लाखौ सपना बोकेर विदेश पुगेका नेपाली विद्यार्थीको मृत्यु

 

लाखौ सपना बोकेर विदेश गएका एक नेपालीको मृत्यु भएको छ । सिड्नीको नेसनल पार्कमा एक जना नेपालीको शव फेला परेको छ । त्यो लास गत फेब्रुअरीमा चर्चिच फिगर एट पुल ८ आकार पुलमा डुबेर हराईरहेका एक नेपालीको भएको अनुमान गरिएको छ । एकजना पैदलयात्रुले ८ आकारको पुलभन्दा करीब ८०० मिटर दक्षिणमा रहेको चट्टानमा देखेर प्रहरीलाई खबर गरेका थिए ।

 

न्यू साउथ वेल्स प्रहरीले सो शव हिजो मध्यान्ह बरामद गरेको हो । लासको सनाखत हुन बाँकी रहेपनि गत फेब्रुअरीमा पानीको छालले ८ आकार पुलमा खसेका २२ वर्षीय नेपाली युवा भएको अनुमान गरिएको छ । लाखौ सपना बोकेर विदेश जाने नेपालीहरुको हरेक दिनजसो ज्यान जाने गरेको छ । प्रहरीले घटनाको बारेमा अध्यन गरिरहेको जनाएको छ ।