बारा र पर्साका हावाहुरी प्रभावितलाई नेपाली कांग्रेसले थप २५ लाख रुपैयाँ उपलब्ध गराउने
नेपाली कांग्रेसले बारा र पर्साका हावाहुरी प्रभावितलाई थप २५ लाख रुपैयाँ राहत उपलब्ध गराउने भएको छ ।
हावाहुरी प्रभावितलाई भेट्न बारा पुगेका कांग्रेस सभापति शेरबहादुर देउवाले राहत स्वरुप २५ लाख रुपैयाँ उपलब्ध गराउने घोषणा गरेका हुन् ।
यसअघि, उपसभापति विमलेन्द्र निधिले १० लाख रुपैयाँ उपलब्ध गराउने घोषणा गरेका थिए ।
सभापति देउवाले बिहान नारायणी अञ्चल अस्पतालमा घाइते भएकालाई भेटेका थिए ।
उनले बाराको भलुही भरवलियामा हावाहुरीबाट प्रभावितलाई ब्याल्ङकेट, बाल्टिनलगायतका सामग्री वितरण गरेका थिए ।
