बारा र पर्सामा गएको हावाहुरीको गति प्रति सेकेण्ड २५ मिटर-मौसमबिद्
आइतवार साँझ वारा र पर्सा क्षेत्रमा वितन्डा मच्चाउने हावाहुरीको बेग ५० नट्स अर्थात २५ मिटर प्रति सेकेण्ड रहेको मौसमबिद्हरुले बताएका छन् ।
गण्डकी क्षेत्रबाट उत्पन्न भएको हावाहुरी पर्सामा पुगेपछि ठुलो गतिमा बगेको थियो ।
हावाको गतिले बिद्युतका पोलदेखि सडकमा चलिरहेका ठुला गाडी समेत पल्टाएको थियो ।
गाडी, बिधुतका पोल, पर्खाल भत्किदा ३१ जनाले ज्यान गुमाईसकेका छन् भने ५०० भन्दा बढि घाइते भएका छन् ।
गण्डक क्षेत्रको पोखरा आसपासमा हावाहुरीको विकास भएको र बारा र पर्सामा पुगेपछि ठुलो बेग बनेको मौसमबिद् शान्ती कँडेलले बताएकी छिन् ।
पोखरा आसपासमा विकास भएको हावाहुरी चितवन हुँदै बारा र पर्सा पुगेको थियो ।
चितवनमा हावाको बेग कमजोर भएका कारण त्यसक्षेत्रमा कुनै क्षति हुन पाएन । तर बारा र पर्सामा पुगेपछि प्रति सेकेण्ड २५ मिटरको गतिमा हावाहुरी चलेको थियो ।
एक घण्टासम्म लगातार हावाहुरी चलेपछि मानवीय क्षति भएको हो ।
एक घण्टाको समय हावाको बेग कम भएको थिएन ।
