पोखराबाट १० करोड भन्दा बढी ठगी गरेर जसुधा पौडेल फरार : हेरौं र सेयर गरी सबैलाई सचेत गरौं
पोखरामा १० करोड भन्दा बढी रकम ठगेर एक महिला सम्पर्क विहिन भएकी छिन् ।
स्थानिय गणेशटोल ४ पोखराकी जसुधा पौडेलले स्थानीय र सहकारी समेतको गरी उक्त परिमाणको रकम ठगी गरी फरार भएको बताईएको छ ।
केही व्यक्तिसँग तत्काल रकम आवश्यक पर्यो भन्दै पौडेलले विगत २ बर्ष अघिदेखि उनका आफन्त सहितका साथीहरुसंग २० लाखदेखि २ करोडभन्दा बढी रकम लिएको श्रोतले बताएको छ ।
स्थानिय बासिन्दा र सहकारीबाट लाखौं रुपैया सापटी उलएपनि उनी सम्पर्क विहिन हुने गरेको पीडितहरुले बताएका छन् ।
पौडेलले तेज जेनिया कम्पनीको समेत करिब एक करोड २० लाख रुपैयाँ हिनामिना भएको बताईएको छ ।
उक्त कम्पनीको बिजनेस पार्टनर समेत भएकी पौडेलले अन्य संचालकहरुसंग विभिन्न बाहानामा रकम संकलन गरेको भन्दै उनीहरुले गुनासो गरेका छन् ।
उनले पोखराका विभिन्न सहकारीबाट ५ करोड भन्दा धेरै लिएको, ढुकुटीमार्फत ३ करोड र अन्य सापटी २ करोड भन्दा बढी हिनामिना गरेको जनाईएको छ । धेरैतिर लगानी गरेर प्रतिफल नआएपछि उनी बेपत्ता भएको हुनसक्ने पीडितहरु बताउछन् । चौतर्फी गुनासो आएपनि हालसम्म उनी विरुद्ध कसैले पनि उजुरी भने दिएको छैन ।
