डाक्टर श्रीमान्बाट कुटिएकी सुनीताको मृत्यु , दाइजोमा ल्याएका थिए २० लाख
नारायणी अस्पतालमा कार्यरत डा। सचितानन्द यादवबाट कुटिएकी सुनीता यादवको शुक्रबार काठमाडौंको त्रिवि शिक्षण अस्पतालमा निधन भएको छ । सुनीता डा। यादवकी जेठी श्रीमती हुन् । अघिल्लो साताको बुधबार कुटिएकी उनलाई थप उपचारका लागि सोमबार राति काठमाडौँ रेफर गरिएको थियो ।
निरन्तर यातना पाउँदै आएकी सुनिताको माइती पक्षले बिहीबार उद्धार गरेको थियो । उनलाई आइतबार राति वीरगन्जको गण्डक अस्पतालमा उपचारका लागि भर्ना गरिएको थियो । सुनीताको माइती पक्षले जिल्ला प्रहरी कार्यालय पर्सामा डा। यादवविरुद्ध ज्यान मार्ने उद्योगको उजुरी दिएका छन् ।
सचितानन्दलाई प्रहरीले अनुसन्धानका लागि कार्यालय बोलाए पनि उनी सोमबारदेखि नै बिरामीको बहाना बनाएर नारायणी अस्पताल भर्ना भएको सुनीताका भाइ सन्तोष यादवले आरोप लगाएका छन् ।
बाराको परवानीपुर गाउँपालिका(५ बहुअरी निवासी ४३ वर्षीया सुनीताको १५ वर्ष अगाडि वीरगन्ज महानगरपालिका २० हरपतगन्ज निवासी डा यादवसँग विवाह भएको थियो । त्यसबेला २० लाख रुपैयाँ दाइजो दिएर दिदीको विवाह सम्पन्न भएको सुनीताका भाइ सन्तोषले बताए । सुनीताका परिवारका अनुसार विवाह भएको केही महिनामै ससुरालीमा उनीसँग राम्रो व्यवहार गरिएन ।
उनलाई चाहिने नुन, तेल, साबुन लगायतका दैनिक आवश्यकीय सामग्री पनि माइतीले नै उपलब्ध गराउँदै आएका थिए । माइती आउँदा पनि एक(डेढ वर्षसम्म पनि सुनीतालाई बोलाउन ससुरालीबाट आउँदैथे । स्थानीयका अनुसार घर व्यवहार राम्रो चलाउन धेरै पटक डा।यादवको परिवारलाई राखेर पञ्चायतीसमेत बसेको थियो । त्यसको केही दिन सामान्य भए पनि फेरि पुरानै व्यवहार दोहोरिन्थ्यो ।
दाइजोमा पाएको रकमले नै सचितानन्दले चिकित्सा पढेको परिवारको दाबी छ । पढेर आएपछि उनले सीमावर्ती रक्सौलकी एक युवतीसँग दोस्रो विवाह गरेका थिए । कान्छी श्रीमती र दुई बच्चासहित डा। यादव वीरगन्जको घरमा बस्दै आएका थिए भने जेठी श्रीमतीलाई हरपतगन्जको पुरानो घरमा राखेका थिए । सुनीताबाट बच्चा जन्मेका थिएनन् ।
एक प्रहरी अधिकृतका अनुसार डा। यादवले सुनीताको शरीरमा प्लेटलेट्सको कमी रहेकाले शरीरमा घाउ भएको बयान दिएका छन्, श्रीमतीलाई पिटेको स्विकारेका छैनन् । सुनीताको शरीरभरि नीलडाम भएको तस्बिर सामाजिक सञ्जालमा भाइरल भएको छ । उनको दुवै कुम, पिठ्युँ र घुँडामुनि पोलेको डाम देखिन्छ ।
सुनीताको स्वास्थ्य ठीक नभएको खबर गत बुधबार उनका दाइ विजयलाई खबर आएको थियो । ुबिहीबार बिहानै हरपतगन्जबाट दिदीलाई माइती ल्याउँदा उनको मानसिक अवस्था ठीक थिएन,ु उनका भाइ सन्तोषले भने, ुटोलाएर बसिरहेकी थिइन्, भाउजूहरूले नुहाउन कपडा खोलेपछि शरीरभित्रको दाग देखिएको थियो । अस्पतालमा भर्ना हुँदा पनि सुनीता दुखाइले छटपटाइरहेकी थिइन् । प्रहरी उपरीक्षक रेवती ढकालले सुनीताको मृत्यु भइसकेपछि अब पुरानो जाहेरीको सट्टा कर्तव्यज्यानमा मुद्दा चल्ने बताए ।
बिरामी नहुँदा पनि डा।यादव अस्पतालमा बसिरहेको गुनासो आएपछि आफूले नारायणी अस्पतालका निमित्त मेडिकल सुपरिटेन्डेन्टलाई क्रसचेक गर्न सक्ने पनि एसपी ढकालले बताए ।
