दुखद समाचार : न्यू योर्कमा अन्तर्राष्ट्रिय मानव अधिकारकर्मी तेजश्री थापाको ५२ वर्षको उमेरमा निधन
मानवअधिकारकर्मी तथा अधिवक्ता तेजश्री थापाको ५२ वर्षको उमेरमा गत मंगलबार २६ का दिन अमेरिकाको न्यूयोर्क शहरमा निधन भएको छ ।
तेजश्री थापा अमेरिकाका लागि पूर्वराजदूत ,पूर्वपरराष्ट्रमन्त्री ,तथा कुटनीतिज्ञ डा. भेषबहादुर थापाकी छोरी हुन् ।
काठमाडौँमा जन्मिएकी स्व तेजश्री थापा सामाजिक न्यायको क्षेत्रमा वकालत गर्ने अग्रणी अभियन्ता थिइन्।
मानव अधिकारकर्मी पहरेदार (ह्युमन राइट्स वाच )की वरिष्ठ दक्षिण एसिया अनुसन्धानकर्ता समेत रहेकी थापाले बालकन्स, नेपाल, बंगलादेश र श्रीलंकामा संकट समाधानका लागि मानवअधिकारकर्मीको रुपमा पनि काम गरेकी थिइन् ।
उनले आफ्नो जीवनवृति (करिअर) श्रीलङ्काका द्वन्द्कालमा महिलामाथि भएका हिंसासम्बन्धी संयुक्त राष्ट्रसंघीय विशेष अभिलेखकर्ताको रुपमा सुरुवात गरेकी थिइन्।
थापाले मानव अधिकार कानुन, अन्तर्राष्ट्रिय र घरेलु राजनीति, संघर्ष विरोधी न्याय र पुनर्मूल्यांकन तन्त्रमा पनि व्यापक विशेषज्ञता हासिल गरेकी थिइन् ।
उनले नेदरल्याण्डको हेगस्थित अन्तर्राष्ट्रिय अदालतमा भूतपूर्व युगोस्लाभियामा भएको युद्धका क्रममा भएको मानवताविरोधी घटनाहरुको अभियोजनकर्ता भएर पनि काम गरिन्।
त्यसक्रममा लैँगिक हिंसा र अपराध सम्बन्धी घटनाहरुलाई अभिलेखिकरण गर्ने कामपनि गरेकी थिइन्।
स्व थापा डा. रीता थापाकी जेठी छोरी र साहित्यकार मञ्जुश्रीकी बहिनी हुन् ।
स्व थापाकि छोरी माया हुन् भने यस बर्ष देखि अक्सफोर्ड विश्वविद्यालयमा अध्ययन गर्ने छिन्
