वरिष्ठ पत्रकार पुष्करलाल श्रेष्ठकाे स्वास्थ्य गम्भीर, मेडिसिटी अस्पतालमा भर्ना
वरिष्ठ पत्रकार एवम् कामना न्युज पव्लिकेशनका प्रधानसम्पादक पुष्करलाल श्रेष्ठकाे स्वास्थ्यमा गम्भीर समस्या देखिएपछि अस्पताल भर्ना भएका छन् ।
पत्रकार श्रेष्ठ आइतबारदेखि ललितपुरको भैंसेपाटीस्थित मेडिसिटी अस्पतालमा भर्ना भएका हुन् ।
करिब चार महिनाअघि नाकमा समस्या देखिएका कारण राजधानीको वयोधामा नाक र त्यसलगत्तै ब्लुक्रसमा मृगौलाको पत्थरीको शल्यक्रिया गरिएको थियो ।
उक्त शल्यक्रिया लगत्तै पत्रकार श्रेष्ठमा विभिन्न स्वास्थ्य समस्या देखापर्दै आएका थिए ।
त्यसपछि उनको नर्भिक र भारतको मेदान्त अस्पतालमा उपचार भएको थियो ।
मेदान्त अस्पतालमा दुई महिना उपचार गराएर फर्किएका उनले नर्भिक अस्पतालमा फिजोयोथेरापी लगायतका विधिबाट उपचार गर्न गरिँदै आएको थियो ।
अहिले श्रेष्ठको स्वास्थ्य स्थिति जटिल र स्थिर अवस्थामा रहेको उपचारमा संलग्न चिकित्सकहरुको भनाई उदृत गर्दै कामना न्युज पब्लिकेशनले जारी गरेको विज्ञप्तिमा जनाइएको छ ।
