भारत भन्दा नेपाल ४० औ स्थानले अगाडी, पाकिस्तानले पनि भारतलाई हरायो
हिजो काठमाडौ उपत्यका लगायतका पहाडी जिल्लाहरुमा हर्ष उल्लासको पर्व होलीको रौनकता छाएको थियो । योबीचमा हिजो विश्व खुःशी दिवसको प्रतिवेदन पनि आएको छ । नेपाल विश्वका खुशी देशको सूचीमा १०० औं स्थानमा अटाएको छ । दक्षिण एसियाबाट १०० स्थानमा अटाउने देशहरुमा पहिलो पाकिस्तान रहेको छ । पाकिस्तान ६७ औ स्थानमा रहेको छ भने भुटान ९५ औ स्थानमा पर्न सफल भएको छ । यसरी हेदा पाकिस्तानी र भुटानी नागरिक पछि दक्षिण एसियामा नेपालीहरु सबैभन्दा धेरै खुःशी छन् ।
पाकिस्तानमा इमरान खानको सरकार आएपछि पाकिस्तानीहरुको खुःशी उच्च तहमा पुग्न सफल भयो । अर्को तिर भारत १०० भित्र अटाउन सफल भएको छैन । भारतीयभन्दा नेपाली धेरै खुशी देखिएका छन् ।
संयुक्त राष्ट्रसंघको दीगो विकास समाधान सञ्जालले अन्तर्राष्ट्रिय खुशी दिवसका अवसरमा बुधबार सार्वजनिक गरेको ‘वर्ल्ड हेप्पीनेस’ सर्वेक्षणअनुसार १५६ देशमध्ये नेपाल १०० औं स्थानमा परेको हो । दक्षिण एसियामा सबैभन्दा खराब अवस्था भएका देशहरु तीन वटा रहेका छन् । बंगलादेश १२५ मा रहेको छ । अर्को तिर श्रीलंका १३० औ स्थानमा देखिएको छ ।
नेपालको छिमेकी भारत १४० औ स्थानमा रहेको छ भने अफगानिस्तान १५४ औं स्थानमा छ । आय, स्वतन्त्रता, विश्वास, स्वस्थ आयु, सामाजिक स्थायित्व तथा आत्मियताका आधारमा खुसी मापन गरिएको हो । सर्वेक्षणअनुसार फिनल्याण्ड संसारकै खुशी देशमा परेको छ । फिनल्याण्ड तीन वर्षयता लगातार पहिलो स्थानमा पर्दै आएको छ । दोस्रो खुसी हुने देशमा डेनमार्क, तेस्रोमा नर्वे, चौथोमा आइसल्याण्ड, पाँचौमा नेदरल्याण्ड, छैठौंमा स्वीटजरल्याण्ड, सातौंमा स्विडेन, आठौंमा न्यूजल्याण्ड, नवौंमा क्यानडा र दशौंमा अस्ट्रिया रहेका छन ।
अर्को तिर सबैभन्दा कम खुशी हुनेहरुको सुचिमा दक्षिण एसियाबाट अफगानस्तान तेस्रो मा पर्न सफल भएको छ । सबैभन्दा कम खुःशी हुनेहरुको अग्रस्थानमा हाइटी पर्न सफल भएको छ । त्यसपछि क्रमश, बोत्सवाना, सिरिया, मलावी, यमन, रुवान्डा, तान्जानिया, मध्य अफ्रीकी गणतन्त्र र दक्षिण सूडान रहेका छन् । हामीले माथि राखेको क्रमश सबैभन्दा धेरैबाट सुरु भएको छ । चाहे त्यो खुःशी हुनेहरुको सुचि होस वा दुःखी हुनेहरुको हो । Source
