विवाहपछि वर्षा राउत (हेरौँ ७ तस्बिर)
सिन्धुलीमा २७ मंसिर २०५० मा जन्मिएकी वर्षा राउत पछिल्लो समय चलचित्र क्षेत्रमा उदाएका मध्ये सफल अभिनेत्री हुन् । हँसिलो अनुहार, मिलनसार व्यवहारका कारण उनको चलचित्र क्षेत्रमा प्रायः सबैसँग राम्रो सम्बन्ध रहँदै आएको छ ।
उनले सिन्धुलीको स्वर्णीम तारा बिद्याश्रमबाट २०६५ मा एसएलसी उत्रिर्ण गरेकी हुन् ।
वर्षा म्युजिक भिडियो अभिनयबाट कलाकारितामा भित्रिएकी हुन् । सिर्जना कार्कीको ‘रोजेको मैले’ बोलको गीतमाथि बनेको भिडियोबाट उनले मोडलिङमा पाइला बढाएकी थिइन् । चलचित्रमा भने उनले निर्देशक विकास आचार्यको ‘नाई नभन्नू ल ४’ बाट डेब्यु गरेकी हुन् ।
यो चलचित्रको ब्यवसाय राम्रो हुन नसके पनि अभिनयबाट भने वर्षा चर्चा रहन सफल भइन् । त्यसपछि उनले ‘जात्रा’, ‘छक्का पञ्जा’, ‘छक्का पञ्जा २’, ‘मेरो पैसा खोई’ जस्ता चलचित्रमा काम गरिन् । यी मध्य ‘मेरो पैसा खोइ ?’ भने व्यवसायिकरुपमा असफल रह्यो ।
२ फागुन (प्रणय दिवस)को दिन अभिनेता संजोग कोईरालासँ दाम्पत्य सम्बन्धमा बाँधिएकि राउत विवाहपछि वर्षाले फिल्म खेल्ने की नखेल्ने भन्ने धेरै प्रसंसकहरुको जिज्ञासामा आफु विवाह पछि पनि फिल्ममा निरन्तर आउने बताएकी छिन् । विवाहपछि फिल्मको काममा अझ बढी व्यस्त हुने उनको कथन छ ।
विवाहपछि वर्षाले फिल्ममा निरन्तरता नदिने हुन की भन्ने दर्शकको शँकामा उनका भावी श्रीमान तथा अभिनेता संजोगले पनि वर्षाले विवाहपछि झन राम्रो सिनेमा खेल्ने बताएका छन् । आफ्नो परिवार नै फिल्मसँग सम्बन्धित भएकाले वर्षालाई विवाहपछि कोईराला परिवारबाट झनै फिल्मको लागि प्रेरणा मिल्ने संजोगको भनाई छ ।
सँजोगका बुबा शेखर कोईराला एक समयका सफल फिल्म निर्माता हुन् । शेखरले छोरी बुहारी, साथी, एक नम्बरको पाखे, अप्सरा, गौथली सहित थुप्रै चलचित्र निर्माण गरिसकेका छन् ।
विवाहपछि सार्वजनिक भएका उनका तस्बिर हेरौँः
