इलामको माइपोखरीमा आगलागी, ४ घर जले
इलामको सन्दकपुर गाउँपालिका १ र ३ मा पर्ने माइपोखरी नजिकका घरमा आगलागी भएको छ।धार्मिक तथा पर्यटकीय स्थल माइपोखरी पस्ने गेट अगाडीको घरमा लागेको आगो नियन्त्रणमा आएको छैन।
१ बजेबाट सुरु भएको आगलागीबाट चक्र मुखियाको घर जलेको छ। उनका भाइ कमल मुखिया, लाक्पा सेर्पा र निम्दोर्जे शेर्पाको घरमा समेत आगलागी सुरु भएको स्थानीय युवराज पिसीले जानकारी दिए।
धार्मिक तथा नजिकै रहेको वनमा समेत आगलागी सुरु भइसकेको स्थानीय दिनेश सुवेदीले बताएका छन्। स्थानीय र शुरक्षाकर्मीले आगलागी नियन्त्रण गर्ने प्रयास गरिरहेका छन्।
यता इलाम नगरपालिकाको दमकल आगलागी भएको स्थानमा पुगेको इलाम नगरपालिकका प्रशासकीय अधिकृत रामकुमार शाहले बताए। इलाम सदरमुकामबाट दमकलसहित प्रहरी र नेपाली सेना घटनास्थलमा पुगेको छ।
