बीर अस्पतालमा मृत्युसँग लड्दै मोडल निशा, बचाईदिन बाबुको सहयोगीहरुलाई अपिल
कलाकारितामा आफ्नो नाम स्थापित गराउन सङ्घर्षरत मोडल निशा घिमिरे अहिले काठमाडौँस्थित बीर अस्पतालको ट्रमा सेन्टरमा मृत्युसँग लडिरहेकी छिन् । केही समय अगाडि भारतमा नृत्य पढ्ने क्रममा उनी सवारी दुर्घटनामा परेकी हुन् ।
गएको पुस १८ गते भारतको देहरादुनमा कार दुर्घटनाबाट घाइते भएकी निशालाई १८ दिनसम्म भारतमै उपचार गरिएको र आर्थिक स्थितिले धान्न गाह्रो परेपछि नेपाल झिकाईएको थियो । माघ ७ गतेबाट राजधानीको ट्रमा सेन्टरमा भर्ना गरिएको छ । भएको रुपैयाँ पैसा सबै भारतमा खर्च गर्दा सकिएकाले सहयोग गरिदिन सबै सहयोगी मनहरुलाई उनका पिताले अपिल गरेका छन् ।
उनलाई कलाकार सपना लामिछानेले सहयोग गरेकी छिन् । राजधानीको ट्रमा सेन्टरमा उपचार गराइरहेकी निशालाई सपनाले आफ्नो व्यक्तिगत तर्फबाट रु पचास हजार उनका बुबालाई हस्तान्तरण गरिन् ।
सामुदायिक वन उपभोक्ता महासघ नेपाल ललितपुर जिल्ला महासघका अध्यक्ष प्रेम प्रसाद घिमिरेकी निशा कान्छी छोरी हुन् । उनी मोडलिङ्गमा स्थापित हुन चाहान्थिन् । कलाकारितामा अब्बल बन्ने सोचले उनी भारतमा नृत्यको कक्षा लिन गएकी थिएन् । भारतमा निशा चढेको कार दुर्घटनामा परि गम्भिर घाइते भएकी थिइन् । उनको अचेत अवस्थामा ट्रमा सेन्टर काठमाडौ मा उपचार भैरहेको छ ।
