वसन्तपुरको ग्यास स्टोरमा आगलागी, तीन घर जले, आगो नियन्त्रण बाहिर
राजधानीको वसन्तपुरस्थित ग्यास स्टोरमा आगलागी भएको छ। ग्यास स्टोरमा आगो लागेकोले ग्यास पड्किने क्रम जारी नै छ । अहिलेसम्म ९ वटा ग्यास सिलिन्डर पड्किसकेका छन्। ग्यास पड्केर एक जना घाइते भएका छन्। बिहीबार दिउँसो भएको आगलागीमाबाट तीन घर जलेका छन्।
आगो नियन्त्रणको कोसिस भइरहे पनि अहिलेसम्म नियमन्त्रणमा आइनसकेको अन्नपूर्ण कर्मी सुनिता डंगोलले जानकारी दिइन्। आगलागीस्थल भित्र अझै ग्यासका सिलिण्डर रहेकाले आगो नियन्त्रणमा आउन सकेको छैन। घटनाको थप विवरण आउन बाँकी नै छ।
