फेवातालमा प्याराग्लाइडिङ खस्यो, एकको मृत्यु
सारङकोटबाट उडेको एउटा प्याराग्लाइडिङ फेवातालमा खसेको छ ।
फेवा तालमा खसेका प्याराग्लाइडरको उपचारका क्रममा मृत्यु भएको छ ।
सारङकोटबाट उडेका राेमानीयाका नागरिक ४२ वर्षीया एड सिजरकाे फेवा सिटी अस्पतालमा उपचारका क्रममा मृत्यु भएको हो ।
प्याराग्लाइडिङ फेवातालमा खसेको जानकारी पाएलगत्तै उद्धार टोली परिचालन भएको थियो ।
मलंगवामा गोली हानी एकको हत्या
सर्लाही सदरमुकाम मलंगवामा शनिबार राति अज्ञात समूहले गोली हानी एक जनाको हत्या गरेको छ। गोली लागेर मलंगवा नगरपालिका २ का ३१ वर्षका मनोजकुमार यादवको मृत्यु भएको जिल्ला प्रहरी कार्यालय सर्लाहीका प्रहरी निरीक्षक कुन्दन देवले जानकारी दिए।
यादवलाई मलंगवा नगरपालिका ८ मा लगेर गोलीहानी हत्या गरिएको हो। यादवलाई ४ राउण्ड गालामा र एक राउण्ड घाँटीमा गोली प्रहार भएको प्रहरीले जनाएको छ। प्रहरीले घटनामा संलग्नहरुको खोजी तीव्र पारेको छ। घटनास्थलमा विष्फोट भइसकेका पाँच थान र प्रयोग नभएको एक थान गोली फेला परेको छ। मृतकको मोबाइलसमेत साथमै भेटिएकाले अभियुक्त पहिचान गर्न सहज हुने प्रहरी निरीक्षक देवले बताए।
