अधिकारीलाई नेकपाको पार्टी कार्यालयमा अन्तिम श्रद्धाञ्जलि, ओली र प्रचण्डले पार्टीको झण्डा ओढाए
सत्तारुढ नेपाल कम्युनिस्ट पार्टी (नेकपा)का नेता एवम पूर्वमन्त्री भरतमोहन अधिकारीको पार्थिव शरीरलाई अन्तिम श्रद्धाञ्जलिका लागि पार्टी कार्यालय धुम्बाराहीमा राखिएको छ ।
अधिकारीप्रति श्रद्धाञ्जलि अर्पण गर्न बिभिन्न दलका नेता कार्यकर्ताहरूको घुइँचो लागेको छ ।
नेता अधिकारीको गएराति ८२ वर्षको उमेरमा निधन भएको थियो ।
उनको पार्थिव शरीरलाई आइतबार बिहान ह्याम्स अस्पतालबाट पार्टी कार्यालय धुम्बाराहीमा लगिएको हो । मध्याह्न १२ बजेसम्म श्रद्धाञ्जलि अर्पण गरेपछि पशुपति आर्यघाटमा दाहसंस्कार गरिनेछ ।
