अधिकारीको पार्थिव शरिर श्रद्धाञ्जलीका लागि ९ बजेदेखि पार्टी कार्यालयमा
नेपाल कम्युनिष्ट पार्टीका नेता एवं पूर्व उपप्रधान तथा अर्थमन्त्री भरतमोहन अधिकारीको पार्थिव शरिर अन्तिम श्रद्धाञ्जलीका लागि अाज बिहान ९ बजेदेखि पार्टी कार्यालयमा राखिने भएको छ । नेपाल कम्युनिष्ट पार्टीका सचिवालय सदस्य एवं उपप्रधान तथा रक्षामन्त्री इश्वर पोखरेलले बिहान ९ बजेदेखि श्रद्धाञ्जलीका लागि पार्टी कार्यालयमा राखिने जानकारी दिँदै शुभेच्छुक समर्थकलाइ अनुरोध गरेका छन ।
अधिकारीको ८२ वर्षको उमेरमा फागुन १८ गते शनिबार राती ९ः३५ बजे निधन भएको थियो । अधिकारीको ह्याम्स अस्पतालमा उपचारकै क्रममा निधन भएको हो । पछिल्लो समय अधिकारी विभिन्न शारिरीक समस्याबाट पीडित रहँदै अाएका थिए । उनको श्रीमती सविता अधिकारी र तीन छोरीहरू लुना, लिमा र लिजा रहेका छन ।
