स्तब्ध काठमाडौं, निशब्द काठमाडौं (भावविह्वल तस्बिर)
बिहानै एक्कासी मौसममा परिवर्तन आयो । काठमाडौंमा लामो समयको अन्तरालपछि फागुनमा हिउँ प¥यो ।
डाँडाँपाखा सेताम्मे भए । यसअघि सेल्फीमा हिउँ खेलेका तस्बिरहरु तमाम भेटिन्थे सामाजिक सञ्जालमा ।
बिहिबार हेर्दा अपवाद बाहेका त्यस्ता तस्बिर भेटिएनन् ।
दुःख झल्काउने पोष्ट र ढाडस बढाउने पोष्टको सञ्जालमा ओइरो लागिरह्यो ।
यस्ता तस्बिरपनि भेटिए मन थाम्नै नसकिने । हेर्नै नसकिने ।
मुलुकले ठूलो क्षति व्यहोर्नु परेको पीडा सबैको मनमा छ । न पक्ष न प्रतिपक्ष । सबैको एउटै आवाज बन्यो ।
पर्यटनमन्त्री रविन्द्र अधिकारी अमर रहने छन् । उहाँलाई हामीले क्यानभासमा सम्झिरहने छौँ । कसैसँग नबिझाएका मन्त्री अधिकारीको जीवन्त यो गुण थियो ।
यतिबेला मुलुक स्तब्ध छ । सबैको नजर ती ७ महान व्यक्ति तिर छ । जुन व्यक्तिहरु मुलुकको विकासका संवाहक थिए ।
हरेक क्षेत्रमा स्थापित भइसकेका व्यक्तिहरुलाई गुमाउँदा मुलुकले एक्लोपन महसुस पक्कै गरेको छ । तैपनि पीडा लुकाउँदै धैर्य बन्ने प्रयास छ ।
ताप्लेजुङको सुकेटार विमानस्थलबाट सेनाको हेलिकप्टर मार्फत त्रिभुवन विमानस्थलमा ७ जनाको शव आउँदा सबै भावविह्वल देखिन्थे ।
कसैको मुखबाट शब्द निस्किरहेका थिएनन् । मात्र भन्न सकिन्थ्यो अलविदा रवीन्द्र ।
