मन्त्री अधिकारीको शव काठमाडौं पठाइयो (तस्वीरहरुसहित)
ताप्लेजुङमा हेलिकप्टर दुर्घटनामा ज्यान गुमाएका संस्कृति, पर्यटन तथा नागरिक उड्डयन मन्त्री रवीन्द्र अधिकारीसहित ७ जनाको शव काठमाडौं पठाइएको छ ।
सेनाको हेलिकप्टरमा राखेर शव काठमाडौं पठाइएको हो। मौसमको खराबीका कारण दुर्घटनामा मृत्यु भएकाहरुको शव काठमाडौँ पठाउन अप्ठेरो भएको थियो । तर, मध्यान्ह मौसममा केही सुधार भएपछि काठमाडौँ पठाइएको हो ।
बुधबार हेलिकप्टर दुर्घटनामा निधन भएका संस्कृति, पर्यटन तथा नागरिक उडडयनमन्त्रीसहितको शव ताप्लेजुङको सुकेटार विमानस्थबाट बिहीबार काठमाडौँ ल्याउन नेपाली सेनाको हेलिकप्टरमा राखिँदै । तस्वीरः नारायण ढुंगाना, रासस
काठमाडौंको त्रिभुवन अन्तर्राष्ट्रिय विमानस्थलमा ल्याएपछि शव पोस्टमार्टमको लागि शिक्षण अस्पताल महाराजगञ्ज लगिने बताइएको छ । त्यसपछि श्रद्धाञ्जलीको लागि टुँडिखेल र पार्टी कार्यालयमा राखिने बताइएको छ।
मन्त्री अधिकारीको शव सम्भवतः आज नै गृहजिल्ला कास्की लगिने छ। कास्कीमै मन्त्री अधिकारीको अन्त्येष्टि गरिने छ ।
