श्रीमान् अरबमा, छिमेकी पुरुषसँग सुपादेउरालीमा सेल्फी, काखे छोरो छाडेर पोइला
अर्घाखाँची जिल्लाकी एक महिला दुधे बालक र श्रीमानलाई छाडेर नगद तथा गरगहनासहित फरार भएकी छिन् ।
सीतगंगा नगरपालिका वडा नं. ५ स्थायी घर भएका चन्द्रप्रकाश पौडेलकी श्रीमती पवित्रा पौडेल फरार भएकी हुन् ।
उनी गत असोज २२ गते ‘बिदेशबाट पैसा आएको छ, निकालेर आउँछु’ भन्दै घरबाट हिँडेकी हुन् । अहिलेसम्म सम्पर्कमा नआएको पौडेल परिवारले जानकारी दिएका छन् ।
फरार पवित्राको ३ वर्ष अगाडि परम्परा अनुसार विवाह भएको थियो । उनको कोखमा अहिले १४ महिनाको छोरा छन् ।
श्रीमान् चन्द्रप्रकाश डेढ वर्ष अगाडि बैदेशिक रोजगारीका लागि साउदी अरबमा छन् ।
श्रीमानले पठाएको करिब ५ लाख नगद र एक सेट गरगहना (२ ओटा औठी, कानका झुम्का र मंगलसुत्र) लिएर फरार भएको चन्द्रप्रकाशका दाजु ज्योति पौडेलले जानकारी दिए ।
त्यतिमात्र होइन पवित्राले गाउँकै रामप्रसाद पौडेलसँग ५ हजार, भोजराज पौडेलसँग ६ हजार र सूर्यमुखी सबल समूहबाट २५
हजार समेत लिएर गएको पौडेल परिवारले दाबी गरेको छ । पवित्राको खोजी गर्दै जाँदा सीतगंगा नगरपालिका वडा नं. ५ थारपाइलाका लक्ष्मण भूसालसँग फरार भएको प्रमाण आफूहरूले फेला पारेको पौडेल परिवारले दाबी गरेको छ ।
लक्ष्मण र पवित्राले गत २२ गते नै सुपादेउराली मन्दिर परिषरमा
सेल्फी खिचेर फोटो फेसबुकमा अपलोड समेत गरेका छन् । उनीहरूको खोजी गर्न साउदीमा रहेका श्रीमान चन्द्रप्रकाश पौडेलले आग्रह गरेका छन् ।
श्रीमती धनसम्पत्ति बोकेर फरार भएको खबर पाएपछि चन्द्रप्रकाश पौडेल बिहीबार साँझ नेपाल आइपुगेका छन् ।पवित्रा पौडेललाई देख्ने जो कोहिले नजिकको प्रहरी कार्यालय आग्रह समेत गरेका छन् ।
