प्रधानमन्त्री केपी ओलीले नातीनातिनी बनाएका को हुन् यि दुई वालवालिका ?
प्रधानमन्त्री केपी ओली सिराहा आए । उनी यहाँ आउनुको विभिन्न मध्ये एउटा उद्देश्य चाहिँ सार्वजनिक गरिएको थिएन ।
उनको उद्देश्य थियो— नातिनातिना भेट्ने ।
हो, ओलीले सिराहामा आफ्ना नातिनातिना पनि भेटे ।सिराहाको सभामा मञ्चमा ओलीको साथमा थिए पाँच वर्षकी रुपाकुमारी खत्वे मण्डल र ६ वर्षका पवन मण्डल पनि थिए ।
ससाना वालवालिकासँग हुँदा धेरैले ती को हुन् भन्ने खासै ध्यान दिएनन् । तर, रुपा र पवन ओलीका नातिनातिना हुन् ।
गत वर्ष विद्यार्थी भर्ना अभियान चलिरहेको थियो । प्रधानमन्त्री ओलीले सिराहाका दुई बालिबालिकाको अभिभावकत्व ग्रहण गरेको समाचार आयो । समाचार आउँछ जान्छ, यस्तै भइरहन्छ । त्यो समाचार धेरैलाई सम्झना पनि नहोला ।
हो, ओलीले अभिभावकत्व गरेका उनै रुपा र पवन थिए मञ्चमा ओलीको साथमा । प्रधानमन्त्री ओली निकटहरुले बताए अनुसार रुपा र पवनलाई ओलीले नातिनातिना मान्छन् ।
रुपा र पवनलाई मञ्चमा बोलाएर ओलीले सोधे— ‘चिन्यौं’ भन्दै दुवैजना खुसी भए अनि ओलीको हात समाते । ओलीले पनि उनीहरुलाई साथमा राखेर कुराकानी गरे । १० महिनापछि ओलीले आफ्ना नातिनातिना भेटेका हुन् ।
ओलीले दुवैलाई काखमै राखे, ओलीलाई भेट्दा रुपा र पवन पनि मख्ख थिएओलीले रुपा र पवनका आमाहरुलाई पनि भेटे । अनि नातिनातिनालाई राम्रो हेरविचार गर्न भने । रुपा र पवन स्थानीय कल्याणपुर माविमा पढ्छन् ।
प्रधानमन्त्री ओली निकटहरुले दिएको जानकारी अनुसार रुपा र पवनका लागि ओलीले खर्च पनि पठाउने गरेका छन् । उनीहरुको पढाई र स्वास्थ्य वारे जानकारी पनि लिने गरेका छन् ।रुपा र पवनका आमाहरुका अनुसार दुवै वालवालिकाले टेलिभिजनमा ओलीलाई देख्दा ‘हाम्रो हजुरबा’ भन्दै खुसी हुने गरेका छन् ।
