ट्रिपर व्यवसायी भन्छन् ‘असुरक्षित भयौ, हामी पनि आन्दोलनमा जान्छौ’
सोमबार मोरङको बिराटचौकमा ट्रिपरको ठक्करबाट बालिकाको मृत्यु भएपछि ट्रिपरमाथि आगजनी भएको बिषयमा पूर्वाञ्चल ट्रिपर व्यवसायी संघले आन्दोलन गर्ने भएको छ ।
संघले बिराटचौक घटनामा आफ्नो ७ वटा ट्रिपर आगजनीमा करिब ३ करोड मुल्य बराबरको क्षति भएको दाबी गरेको छ ।
पूर्वाञ्चल ट्रिपर व्यवसायी संघका अध्यक्ष गोपाल कार्कीका अनुसार बिभिन्न माग सहित आन्दोलनका कार्यक्रम सार्वजनिक गर्न पत्रकार सम्मेलनको आयोजना गर्ने बताए ।
‘बिराटचौक घटनाले हामी अत्यन्त दुखिद छौ, तर आक्रोशित स्थानियले जथाभाबी आगजनी गर्दा हाम्रो व्यवसायी असुरक्षित भएको छ’ कार्कीले भने ‘हामी पनि आन्दोलनमा जान्छौ’ ।
संघको आज २ बजे पत्रकार सम्मेलन मार्फत आन्दोलनको घोषणा गर्ने कार्यक्रम रहेको छ ।
