ज्ञानेन्द्रले आफ्नो सक्रियता बढाउँदै, मध्य र पूर्वी तराईको भ्रमणमा निस्कँदै

 

पछिल्लो समय पूर्व राजावादीको चलखेल बढीरहेको बेला पूर्व राजा ज्ञानेन्द्र शाह मध्य र पूर्वी नेपालमा रहेका राजावादीलाई भेट्न सिमरा र झापा जानुहुने भएको छ । करिब एक महिना लामो बसाई गर्न सिमरा र झापाको दमक जान लाग्नुभएको हो ।

 

माघ १३ गते पूर्वरानी कोमल, निजी सचिव सागर तिमल्सिना र निजी सुरक्षा गार्ड शसस्त्रका डिएसपी शिव राउत सहित पूर्व राजा ज्ञानेन्द्र सिमरा जाने कार्यक्रम तय भएको छ । सिमरा स्थित प्रभु शमसेर राणाको निवासमा बस्ने कार्यक्रम रहेको छ । उहाँ सिमराबाट पूर्वी तराईको भ्रमण गर्नुहुने भएको छ ।

 

पुर्व राजाको सुरक्षा सहितको सवारी साधान माघ ११ गते सिमरा पुग्ने भएको छ । निजी सवारी चालक सुदन थापा र सुरक्षाकर्मी सहितको टोलीले ज्ञानेन्द्रको भ्रमणको सम्पुर्ण सुरक्षा व्यवस्थाको प्रवन्ध गर्ने भएको छ । पूर्व राजाको साथमा निजी सहयोगी भान्छे समेत सिमरा पुग्ने भएका छन ।करिब दुई साता सिमरा बसाई पछि ज्ञानेन्द्र परिवार सडक मार्गबाट झापाको दमक जाने कार्यक्रम तय भएको समाचार प्राप्त भएको छ।

 

दमक पुग्नु अघि तराईका विभिन्न जिल्लाका स्थानीयले स्वागत कार्यक्रम आयोजना गर्ने योजना बनाएका छन् । अहिले सम्म यही २० गते दमक जाने कार्यक्रम तय भएको छ–स्रोतले भन्यो । सिमरा बसाइका क्रममा उहाले आफु निकट तीनवटै राप्रपाका नेतासंग भेट गर्ने कार्यक्रम रहेको छ । अहिले को–को संग भेट गर्ने भन्ने टुंगो लागेको छैन स्रोतले भन्यो –तर सिमरामा उच्च तहका राजनीतिक नेतासंग भेट्ने गरी योजना तय भएको छ ।

 

ज्ञानेन्द्र शाहलाई अध्यक्ष बनाएर एकता गर्ने राप्रपाको तयारी, को को भए सहमत

कमल थापा नेतृत्वको राष्ट्रिय प्रजातन्त्र पार्टी, पशुपति शमशेर जवरा नेतृत्वको राष्ट्रिय प्रजातन्त्र पार्टी प्रजातान्त्रिक र डा प्रकाशचन्द्र लोहनी नेतृत्वको एकीकृत राप्रपा राष्ट्रवादीबीच राजसंस्थाको व्याख्याको विषयमा कुरा नमिपछि ज्ञानेन्द्र शाहलाई अध्यक्ष बनाएर राप्रपाको एकता तयारी भएको बिषेश स्रोतको दाबी छ ।

एताको संघारमा पुगेको पूर्वपञ्चहरुको पार्टीमा राजसंस्थाको बिषयले एकता नै बिथोलिएपछि ज्ञानेन्द्र शाहलाई अध्यक्ष बनाएर राजसंस्थालाई मान्ने गरी एकिकरण हुल लागेको हो । कमल थापा नेतृत्वको राष्ट्रिय प्रजातन्त्र पार्टी, पशुपति शमशेर जवरा नेतृत्वको राष्ट्रिय प्रजातन्त्र पार्टी प्रजातान्त्रिक र डा प्रकाशचन्द्र लोहनी नेतृत्वको एकीकृत राप्रपा राष्ट्रवादीबीच राजसंस्था राखेर ज्ञनेन्द्र शाहलाई नै अध्यक्ष बनाएर एकता गर्ने लगभग टुंगिएको स्रोतको दाबी छ ।

 

तीनवटै राप्रपाबीच गत २६ कात्तिकमा एकता गर्ने गरी मिति घोषणा गरिएको भए पनि राजसंस्था, हिन्दू धर्म र निर्वाचन चिह्नका विषयमा सहमति जुटन नसकेपछि अन्तिम समयमा एकता भाँडिएको थियो । सो बखत राप्रपा संवैधानिक राजसंस्थाको पक्षमा उभिएको थियो भने राप्रपा (प्रजातान्त्रिक) ले भने ठाडै अस्वीकार गरेको थियो ।

 

यद्यपी एकताको गृहकार्य भने जारी रहेको छ । स्रोतका अनुसार एकता प्रक्रियालाई टुंगोमा पुर्याउन राजसंस्थालाई कसरी व्याख्या गर्ने भन्नेमा दुई राप्रपाका अध्यक्ष चरणबद्ध रूपमा छलफलमा बसिरहेका छन् । गत २९ पुसमा समेत दुई अध्यक्षबीच अनौपचारिक छलफल भएको थियो ।

 

तर, राप्रपा (प्रजातान्त्रिक) का अध्यक्ष राणा संवद्र्धनवादी उदारवादसहित पुराना संस्थाको व्याख्या गरिनुपर्ने पक्षमा उभिएपछि दुई राप्रपाबीचको एकतामा सहमति जुटेको छैन । अध्यक्ष राणाले राजसंस्थाका विषयमा भन्दा पनि पुराना संस्थालाई गरिने व्याख्याका विषयमा आफ्नो पार्टीको फरक दृष्टिकोण रहेको बताए ।

 

‘संवद्र्धनवादी उदारवादसहित पुराना संस्थाहरुको व्याख्या गरिनुपर्छ भन्ने मेरो धारणा हो, एकता प्रक्रियाका लागि पहल जारी छ, निष्कर्षमा पुगेका छैनौं,’ राप्रपा ९प्रजातान्त्रिक० का अध्यक्ष राणाले भन्नुभयो । पछिल्लो समय राणा पार्टीभित्रै घेरावन्दीमा पर्नुभएको छ । दिपक बोहोरा, केशरबहादुर बिष्ट, सुनिल थापालगायतका नेताहरुले नेतृत्व छाडन दवाव दिँदै आउनु भएको छ ।

 

एकता भाँडिन लागेपछि नेता, कार्यकर्ता, शुभेच्छुक र मतदाताहरुबाट समेत एकताका पक्षमा व्यापक दबाब आउन थालेको छ । ‘भिन्न समूहमा रहेका राप्रपाबीचको एकताका लागि नेता, कार्यकर्ता, शुभेच्छुक, मतदाता सबैबाट व्यापक दबाब छ, एकताका लागि बोल्ड अन्डरस्ट्यान्डिङ आवश्यक छ,’ राप्रपा नेताजयन्त चन्दको स्वीकारोक्ति छ ।

 

स्रोतका अनुसार राप्रपाभित्र राजसंस्थासहित महाधिवेशनअघिको अध्यक्ष को हुने भन्नेमा समेत समस्या देखिएको छ । राप्रपा अध्यक्ष थापा तीन राप्रपाबीच एकता महाधिवेशनअघि अध्यक्ष मण्डल बनाएर नेतृत्वका विषयमा सहमति जुटाउने पक्षमा छन् भने अर्का राप्रपा अध्यक्ष राणाले महाधिवेशनअघिको अध्यक्षमा आफूले दाबी गरेको राप्रपाले आरोप लगाएको छ ।

 

कात्तिक २५ गतेको बैठकमा एकताअघि हिन्दू धर्म र निर्वाचन चिह्नका विषयमा देखिएको असहमति पनि सहमतिनजिक पुगेको बताउँछन राप्रपा प्रवक्ता मोहन श्रेष्ठ । तर, राजसंस्थाका विषयमा भने केही फरक मत देखा परेको उनको भनाइ छ । राप्रपा अध्यक्ष थापा भने पार्टीको बटमलाइन संवैधानिक राजतन्त्रलाई बनाएर अघि बढ्नुपर्ने पक्षमा उभिँदै आउनु भएको छ। विगतमा समेत यही विवादका कारण तीन राप्रपाबीच भएको एकता टुटेको थियो ।

 

२५ कात्तिकमा एकता तयारी हुँदा केन्द्रीय समितिदेखि कार्यसम्पादन समिति र विधानका विषयमा समेत लगभग सहमति जुटिसकेको थियो । जसअनुसार केन्द्रीय समिति १८२ सदस्यीय हुने, त्यसमा राप्रपाबाट ८६, राप्रपा प्रजातान्त्रिकबाट ७६ र राष्ट्रवादीबाट २० जना राख्ने सहमति भएको थियो ।

 

यस्तै, कार्यसम्पादन समिति २७ सदस्यीय रहने र त्यसमा समेत राप्रपाबाट १२, प्रजातान्त्रिकबाट १२ र राष्ट्रवादीबाट तीन जना राख्ने सहमति थियो । यस्तै महाधिवेशन अघिसम्म तीनवटै अध्यक्ष रहने गरी अध्यक्षमण्डल बनाउने सहमति थियो ।

२०७३ मंसिरमा पार्टी एकीकरण गरेको राप्रपाले २०७३ फागुनमा एकता महाधिवेशन गरेको थियो । एकीकरणको एक वर्ष नपुग्दै २२ भदौ २०७४ मा राप्रपा पुनः विभाजित भएको थियो ।