वर्तमान सरकार पूर्वराजा ज्ञानेन्द्र पथमा हिंडेको छ : बालकृष्ण खाँण
जनकपुरमा नेपाली कांग्रेसका केन्द्रीय सदस्य तथा प्रमुख सचेतक बालकृष्ण खाँणले केपी ओली नेतृत्वको वर्तमान सरकार पूर्वराजा ज्ञानेन्द्र पथमा हिंडेको आरोप लगाएका छन् ।
खाँणले दुई तिहाइ बहुमतको दम्भ देखाएर सरकार संविधान तथा लोकतन्त्रविरुद्धको गतिविधि गर्दै अगाडी बढेको भन्दै जनता लाई अहिले पूर्वराजा ज्ञानेन्द्रका शासन अनुभूति गरिरहेको बताए ।
‘नेकपाले सरकार बहुमतको दम्म मा मातेर लोकतन्त्रविरुद्धको गतिविधि गर्दै अगाडी बढेको छ,’ बुधबार जनकपुरमा पत्रकार भेटघाटमा खाँणले भने,‘कम्युनिस्टहरुका सर्वसत्तावादी तथा केन्द्रीकृत सोचका कारण संघीयता नै धरापमा पर्ने खतरा बढेको छ ।’
नेपालका विविधतालाई सम्बोधन लोकतन्त्रले मात्र गर्न सक्ने भएपनि अहिलेको कम्युनिस्ट सरकार विगतको पुरानो पञ्चायती शैलीमा अगाढी बढिरहेको खाँणले बताएका छन ।
खाँणले अत्याधिक करवृद्धिका कारण जनताको क्रयशक्ति हस भएको भन्दै संघीयताप्रति तृष्णा फैलाउन सरकारले यस्तो नीति अपनाएको आरोप लगाएका छन ।
लोकतान्त्रिक शक्तिले मात्र संघीयतालाई अगाडी बढाउन सक्ने भन्दै उनले कम्युनिस्टहरुका विचारधारा नै संघीयता विरोधी रहेको बताए । प्रदेश सरकारहरुलाई केन्द्र सरकारले कुनै अधिकार तथा अख्तियारी नदिएकोले संघीयता कार्यान्वयन संकटमा परेको खाँणको भनाइ थियो ।
‘नागरिकको आधारभूत आवश्यक्ता पुरा गर्नसमेत सरकार असफल भएको छ,’ खाँणले भने,‘मुलुकमा हत्या हिंसा बढेको छ, दोषीलाई सरकारले कारबाहीको दायरामा ल्याउन सकेको छैन। यस्तै गतिविधि रहे सरकार पाँच वर्ष चल्नेबाला छैन।’
सरकार सञ्चालन गर्न बहुमत रहेकैबेला अन्य दललाई सरकारमा सहभागी गराएर दुई तिहाई पुरयाएपनि संविधान संशोधनको कुरा गर्न नसक्नु दुखद रहेको खाँणको भनाइ थियो ।
सर्वहाराको नाउँमा राजनीति गर्दै आइरहेको कम्युनिस्टहरु आगामी १० वर्षभित्र संसारबाट समाप्त भएर जाने दाबी गदैै खाँणले कांग्रेस कमजोर भए राष्ट्रियता र लोकतन्त्र कमजोर हुने बताए ।
