नेकपा अध्यक्ष प्रचण्ड एक दिने भ्रमणको लागि दिल्ली प्रस्थान
इन्डिया फाउन्डेसनले आयोजना गरेको ‘इन्डिया आइडिया कन्क्लेभ–२०१८’ मा भाग लिन सत्तारुढ दल नेपाल कम्युनिष्ट पार्टी (नेकपा) का अध्यक्ष पुष्पकमल दाहाल प्रचण्ड भारत भ्रमण प्रस्थान गरेका छन्।
दाहालले भारतको छोटो भ्रमणका क्रममा त्यहाँका नेताहरुसँँग भेटघाट नगर्ने बताएका छन् । पार्टीको धारण,देशको पछिल्लो राजनीति घटना क्रम र दुइदेश बिचको सम्बन्धको बारेमा आफ्नो धारण राख्ने अध्यक्ष दाहालले बताए ।
एक दिनको मात्रै भ्रमण तालिका भएकाले कुनै भेटघाट नराखिएको संचारकर्मीलाई दाहालले जानकारी दिए । दाहालले इन्डिया आइडिया कन्क्लेभ–२०१८’ लाई सम्बोधन गर्नेछन् ।
इन्डिया फाउन्डेसनको अध्यक्ष राम माधवको निमनत्रणामा दाहाल दिल्ली गएका हुन । उनी सत्तारुढ भारतीय जनता पार्टीका महासचिव पनि हुन् ।
नेकपाका अर्का अध्यक्ष तथा प्रधानमन्त्री केपी शर्मा ओलीसँगको परामर्शपछि दाहाल दिल्ली गएका हुन् । दाहाल आजै बेलुका ८ बजे फर्कने कार्यतालिका रहेको छ ।
