सैनिक भर्नामा पैसा लिने मेजरसहित १८० सैनिकलाई कार्वाही
नेपाली सेनाले सैनिक आचरण विपरीत काम गर्ने मेजरसहित १८० जना सैनिकलाई कार्वाही गरेको छ ।
सिपाही भर्नामा सर्वसाधारणबाट मोटो रकम असुल्ने अधिकृतसहित करीब २ सय सैनिक कर्मचारीमाथि कार्वाही गरिएको हो ।
सेनामा जागिर लगाई दिने प्रलोभन देखाएर मोटो रकम असुलेको अभियोगमा मध्यपृतना मुख्यालय (हेटौंडा) मा कार्यरत सेनानी (मेजर) सहित १८० सैनिकमाथि कोर्ट मार्सल गर्न लागिएको हो ।
कार्वाहीमा परेकाहरु सैनिक मुख्यालयदेखि देशभरका पृतना, बाहिनी, शिक्षालय, गण, गुल्मलगायतमा कार्यरत छन् ।
मानवधिकार उल्लंघन, बहुविवाह, चेन अफ कमाण्ड उल्लघंन, कार्यालय समयमा मादक पदार्थ सेवन गरेर अभद्र व्यवहार प्रदर्शन, लागू पदार्थ सेवन तथा ओसारपसारलगायत अभियोगमा पनि ठूलो संख्यामा अधिकृत, पदिक र अन्य दर्जाका कर्मचारीमाथि कोर्ट मार्सल गर्न लागिएको सैनिक मुख्यालयले जनाएको खबर कारोबार दैनिकले छापेको छ ।
