काठमाडौंमा चल्यो विद्युतीय बस, सिसी टिभीले नै यात्रुको निगरानी राख्ने
बढ्दो गाडीहरुका कारण वातावरण प्रदूषित बनिरहेका बेला काठमाडौंमा पाँच वटा विद्युतीय बस सञ्चालन थालिएको छ ।
२० यात्रु अट्ने सिट भएको बसको आज प्रधानमन्त्री केपी शर्मा ओलीले उद्घाटन गरेका छन् । ललितपुरको पुल्चोकस्थित हरिहर भवनमा आयोजित एक कार्यक्रमबीच प्रधानमन्त्री ओलीले मंगलबार बिहान विद्युत्तीय बस सेवा सञ्चालनको उद्घाटन गरेका हुन् ।
सिसी टिभीले नै यात्रुको निगरानी गर्ने गरी ५ वटा विद्युत्तीय बस सञ्चालनमा ल्याएको साझा प्रालिले जनाएको छ ।
विद्युत्तीय बसहरु चिनियाँ कम्पनीले निर्माण गरेका हुन् । साझाको व्यवस्थापनमा रहने ती बसहरु खरिदका लागि एडीबीले सहयोग गरेको साझा यातायातका निमित्त कार्यकारी प्रमुख महेन्द्रराज पाण्डेले जानकारी दिए ।
