वामदेव गौतमसँग भिड्न रामचन्द्र पौडेल र अर्जुननरसिंह केसीको चर्चा
काठमाडौं–७ का निर्वाचित सांसद रामबिर मानन्धरले राजीनामा दिएसँगै अब नेपाल कम्युनिष्ट पार्टी नेकपाका सचिवालय सदस्य वामदेव गौतम उम्मेद्वार बन्ने निश्चित जस्तै छ ।
नेकपामा गौतमको चर्चा चलेसँगै प्रमुख प्रतिपक्ष दल नेपाली कांग्रेसमा भने वरिष्ठ नेता रामचन्द्र पौडेलको चर्चा चलेको छ । पौडेलको मात्रै होइन कांग्रेस वृतमा अर्का नेता अर्जुननरसिंह केसी पनि चर्चामा रहेका छन् ।
तर, उप-निर्वाचनमार्फत सांसद बन्ने गौतमको चाहना सजिलै पूरा नहुने निश्चत भएको छ । प्रतिपक्षी दलले बामदेवलाई हराउनेगरि हेभ्भी वेटका उम्मेद्वार पौडेल र केसीमध्ये एकलार्इ उठाउन छलफल गरिसकेको छ ।
सांसद मानन्धरले गौतमका लागि सिट खाली गर्न हिजै आफ्नो सहमती जनाएका थिए । सोमबार बसेको नेकपाको सचिवालय बैठकमा गौतमलाई काठमाडौँबाट उपनिर्वाचनमार्फत् संसदमा भित्र्याउने विषयमा छलफल भएको थियो ।
