राहुल गान्धी ठूलो विष्फोटबाट मुस्किलले बचे
मध्य प्रदेशको जबलपुरमा शनिबार कांग्रेस अध्यक्ष राहुल गान्धीको रोड शोकै क्रममा बम पड्किएको थियो । राहुल गान्धी जुन मिनी बसमा सवार थिए त्यसको केही मिटरको दूरीमा अचानक आगोको लप्का उठ्यो ।
केबल एक कदम मात्रै नजिक रहेका राहुल र उनका समर्थकहरु तत्काल त्यहाँ के भयो भन्ने अलमलमा परे । समाचार अनुसार राहुल गान्धीको आरती गर्नका लागि लगिएको थालीमा ग्याँसले भरिएको पदार्थ विष्फोट हुन पुग्यो । त्यसपछि एकैछिनमा आगो फैलियो ।
अचानक आगोको लप्का उठेपछि सबैजना चकित भए । यस घटनालाई राहुल गान्धीको सुरक्षामा गम्भीर लापर्बाही भनिएको छ । समाचार अनुसार विष्फोट अलि बढी ठूलो भएको भए अप्रिय घटना समेत हुने सक्ने भन्दै सुरक्षाप्रति आपती जनाइएको छ ।
रोड शोअघि राहुल गान्धीले जबलपुर नजिकै ग्वारी घाटमा नर्मदा पूजा पनि गरेका थिए । राहुल गान्धीसँगै मध्यप्रदेशका कांग्रेस अध्यक्ष कमलनाथ र कांग्रेस नेता ज्योतिरादित्य सिन्धिया पनि थिए । एजेन्सी
