मोरङको प्लाष्टिक उद्योगमा महिलाको मृत्यु
मोरङको बुढीगंगा गाउँपालिका- ३ स्थित इस्ट एसिया प्लाष्टिक उद्योगको मेसिनमा ठोक्किएर एक महिलाको मृत्यु भएको छ।
टुलिटर प्लान्ट ब्लो मेसिनमा ठोक्किएर खोटाङ बाक्सिलाकी ३४ वर्षीया सरिता तामाङको मृत्यु भएको प्रहरीले जनाएको छ । सोही उद्योगमा मजदुरका रुपमा कार्यरत तामाङ बुढीगंगा- ३ मा बस्दै आएकी थिइन्।
प्रहरीका अनुसार बोतल टिप्नका लागि भँइमा निहुरिएको बेला चालु अवस्थामा रहेको मेसिनमा महिलाको टाउको ठोक्किएको थियो।
टाउको ठोक्किएर गम्भीर घाइते तामाङको उपचारका क्रममा न्यूरो अस्पताल विराटनगरमा मृत्यु भएको इलाका प्रहरी कार्यालय नेमुवाले जनाएको छ।
