कर्मचारीमाथि हतियार प्रहार गर्ने पक्राउ
राष्ट्रिय परिचयपत्र विवरण संकलनका लागि खटिएका कर्मचारीलाई बामफोक प्रहार गरेको आरोपमा प्रहरीले एक युवकलाई पक्राउ गरेको छ। विवरण संकलन गर्न खटिएका निराजन अधिकारीलाई टाउकोमा फलामको बामफोट प्रहार गरेको आरोपमा फालेलुङ-१ का चालिस वर्षीय हरिसचन्द्र खड्कालाई प्रहरीले पक्राउ गरेको हो।
विवरण संकलनका लगि खटिएका अधिकारीलाई खड्काले टाउकोमा बामफोक प्रहार गरी घाइते बनाएका थिए। घाइते अधिकारीको थप उपचार भइरहेको प्रहरीले जनाएको छ। फालेलुङ- १ स्थित खड्काकै घरमा बेलुकाको खाना खाएर उठ्ने क्रममा अधिकारीमाथि बामफोक प्रहार भएको जिल्ला प्रहारी कार्यालय पाँचथरका प्रहारी नायब निरीक्षक विष्णु खड्काले जानकारी दिए।
स्थानीयका अनुसार मदिरा सेवान गरी बसिरहेका बेला वादविवाद भएपछि खड्काले अघिकारीमाथि बामफोक प्रहार गरेका थिए।प्रहरीले खड्डकालाई पक्राउ गरी अनुसन्धान भइरहेको बाताइएको छ।
