विष्णु रिमालले यस्तो भनेपछि योगेश भट्टराईको आयो यस्तो जवाफ

हाम्रो इकोनोमि

 

नेकपा असन्तुष्ट समूह औपचारिकरुपमा प्रकट भएको छ चियापानको जमघटमा । यो असन्तुष्ट समूहले नेकपाको राजनीतिमा कति प्रभाव पार्न सक्छ ? भन्ने प्रश्न नेकपामा उठ्न थालेको छ । पार्टीको सचिवालयको बैठकले प्रदेशका इञ्चार्जहरू तोक्ने निर्णय गरेपछि माधव नेपालको असन्तुष्टि चुलियो । अफ्रिका भ्रमणमा रहेका माधव नेपालसँग छलफल भएपनि उनको अनुपस्थितमा बसेको बैठकले सातै प्रदेशमा नेपाल पक्षलाई सोत्तर पार्ने निर्णय ग¥यो ।

 

त्यसपछि उधुम रिसाएका नेता माधव नेपालले इन्द्रेणी फुडल्याण्डमा २०७५ असोज १२ गते स्थायी समिति सदस्यलाई चियापानका लागि बोलाए । अनि आफ्नो असन्तुष्टि पोखे । तर, यो राजनीतिकरुपमा कति प्रभाविलो गतिविधि हुने हो भन्ने चाहिं प्रश्न छ । यो भनेको नेपालको पक्षमा देखिने शक्तिसँग पनि जोडिनेछ ।

 

यही गतिविधिलाई प्रधानमन्त्रीका  राजनीतिक सल्लाहकार विष्णु रिमालले ‘‘मानिसको पतन त्यस समय शुरू हुन्छ, जब आफ्नैलाई ढाल्न पराईसंग सल्लाह लिन शुरू गरिन्छ †’’ ट्वीट गरे । अनि त्यसको प्रतिवादमा योगेश भट्टराईले पनि ‘‘सत्ता र शक्तिको चुचुरोबाट हेर्दा अरु पतन भएको देख्दा रहेछन † कठै दोषी चस्मा’ भनेर दह्रो टिप्पणी गरे । यो भनेको औपचारिकरुपमा असन्तुष्टको समूह खडा हँुदैछ भन्ने संकेत नै हो ।

 

असन्तुष्टको प्रभाव कति पर्छ ? भन्ने विषयलाई विश्लेषण गर्दा अहिले माधव नेपापलको पक्षमा जति स्थायी समितिका सदस्य देखिए पनि प्रचण्डको भूमिकाले महत्व राख्ने छ । प्रचण्डले २०७५ असोज ९ गते सम्पादकहरूको भेटमा सरकारले काम गर्न नसकेको भन्दै गम्भीर छलफल आवश्यक रहेको बताएका थिए ।

 

अनि सरकारको कामकारबाही बारे पार्टीभित्र छलफल गरेर गम्भीर निर्णय लिने बताइरहँदा केपी ओलीसँग असन्तुष्ट र मनभेद रहेको पुष्टि हुन्थ्यो । तर, त्यतिनै बेला प्रचण्डले सम्पादकहरूलाई भनिदिए ‘म केपी ओलीविरुद्ध षडयन्त्र गर्दिन ।’

 

त्योसँगै प्रचण्डले थप पनि भने कि ‘ओली र आपूmबीच प्रधानमन्त्री आलोपालो हुने सहमति छ । नेतृत्वमा पनि त्यस्तै कुरा भएको छ ।’ त्यो भनेको प्रचण्ड असन्तुष्ट भएपनि केपी ओलीलाई चिढ्याएर जाने पक्षमा छैनन् ।

 

त्यो अवस्थामा माधव नेपालको असन्तुष्टिले मात्रै पनि पार्टीको समीकरणमा उथलपुथल पार्ने छैन । नेकपा दुई अध्यक्षले पेलेर जान पनि सक्छन् । त्यतिबेला असन्तुष्ट नेताहरू खासै कुनै प्रतिक्रिया दिने अवस्थामा नहुन पनि सक्छन् ।

 

तर, नेपालकै समूहको प्रदेश इञ्चार्ज बैठक आश्चर्य चाहिं के भइदियो भने माधव नेपाल प्रदेश इञ्चार्ज तोकिएको निर्णयबारेमा असन्तुष्ट जनाइरहँदा उनकै समूहबाट प्रदेश इञ्चार्ज पाएका नेताहरूले प्रदेशको बैठक बसाए । जबकि अन्य प्रदेशको बैठक नै बसेको छैन ।

 

प्रदेश–१ मा भीम आचार्य, प्रदेश–३ मा अष्टलक्ष्मी शाक्य र सुदूरपश्चिम प्रदेशमा भीम रावलले प्रदेश कमिटीको बैठक बोलाए । अनि जिल्लालाई सर्कुलर गराए एकताको प्रक्रिया टुंगो लगाउन । यो आफैमा अमिल्दो विषय थियो । तर, यो विषयमा नेता नेपालले खास केही बोलका छैनन् ।

काबा नपाउदाको झोँक 

खासमा नेपालको असन्तुष्टि भनेको कार्यबाहक अध्यक्ष नपाउँदाको झोँक चाहिं सबैभन्दा ठूलो हो । एक समय पहिला ओली र प्रचण्ड दुवै जना विदेशमा रहँदा नेपालले कार्यबाहक पाएका थिए । पेरिस डाँडामा बैठक पनि बोलाएका थिए । तर, यो पटक कार्यबाहक पाएनन् । पहिले केपी ओली अमेरिकातिर लागे । अनि प्रचण्ड सिंगापुरतिर लागेका थिए ।

 

अध्यक्ष ओलीले कार्यबाहक दिने अवस्था थिएन । कार्यबाहक दिनुपर्ने प्रचण्डले थियो । प्रचण्ड कार्यबाहक दिन अभ्यस्त भएका नेता पनि होइनन् । मूडको भरमा पार्टी चलाउँदै आएका प्रचण्डलाई त्यो सोच पनि आएन होला । नेपाललाई यसमा बल दिने भनेको नारायणकाजी श्रेष्ठले  हो । किनभने श्रेष्ठले प्रदेश–२ मा विश्वनाथप्रसाद सिंहलाई इञ्चार्ज बनाउन माग गर्दै आएका थिए ।

 

त्यहाँ ओलीले सत्यनारायणा मण्डललाई बनाए । अनि वामदेव गौतम ओली र प्रचण्डसँग अलिक रिसाएका छन् डोल्पामा उपनिर्वाचन प्रकरणबाट ।

 

डोल्पाको उपनिर्वाचन हुन नदिने ओली पक्षले भूमिगत शैलीमा माहोल विगारेको गौतमको बुझाई रहेको बताइन्छ । त्यसपछि गौतमले थोरै साथ माधव नेपाललाई दिएको पनि चर्चा छ । तर, यो दीर्घकालीन भने हुन सक्छ कि सक्दैन भन्ने चर्चा पनि नेकपामा गरिदैछ ।