लुकिछिपी काम गरिरहेकालाई नेपालीलाई कोरिया छाड्न चेतावनी, तोकियो समयसीमा



 

कोरिया सरकारले लुकिछिपी काम गरिरहेका प्रवासीलाई कोरिया छाड्न चेतावनी दिएको छ ।

करार अवधि सकिए पनि दक्षिण कोरियामा गैरकानुनी काम गरिरहेका विदेशी कामदारलाई सरकारले देश छाड्न ६ महिनाको समयसीमा दिएको छ । गैरकानुनी ढंगबाट बसिरहेका ३ लाख ३५ हजारभन्दा बढी प्रवासीलाई आगामी सोमबारबाट वैधानिक हुन आग्रह गर्दै देश फर्किन ६ महिनाको समय तोकिएको छ ।

उक्त समयसीमाभित्र वैधानिक नभए वा स्वदेश नफर्किएमा त्यस्ता कामदारलाई १० वर्षसम्म कोरिया प्रवेशमा रोक लागाउनेसम्मको सजाय दिन सक्ने कोरियाको न्याय मन्त्रालयलाई उद्धृत गर्दै ‘द कोरियन टाइम्स’ ले जनाएको छ । कोरियामा करिब २ हजारको संख्यामा नेपाली कामदार रहेको सरकारी अनुमान छ ।

कोरियाको न्याय मन्त्रालय अन्तर्गत खोज तथा प्रवर्तन विभागका अनुसार कोरियामा अवैधानिक ढङ्गले सन् २०१६ मा २ लाख ८ हजार ९७१ गैरकानुनी प्रवासी रहेका थिए । २०१७ मा यो संख्या बढेर २ लाख ५१ हजार ४१ पुगेको थियो । यस्तै यसै वर्षको अगष्ट महिनासम्म यो संख्या थपिई ३ लाख ३५ हजार ४५५ पुगेको तथ्यांक सार्वजनिक गरिएको छ ।

गैरकानुनी तरिकाले काम गर्दै आएका कामदारका कारण त्यहाँ रोजगारी सन्तुलन बिग्रिँदै गए पनि सरकारी अधिकारीहरुले देश निकाला गर्न सकेको स्थिति छैन । सरकारी अधिकारीहरुले निर्माणस्थल, बार र प्रवासीहरुले काम गर्ने अन्य स्थलको अवलोकन गरे पनि वार्षिक ३० हजारभन्दा बढीलाई देश निकाला गर्न सकेको छैन ।

कोरियाका न्यायमन्त्री पार्क सान किले थाइल्याडका श्रममन्त्री अब्दुल संगसिग्कोसँग दक्षिण कोरियाको राजधानी सियोलमा भेट्ने क्रममा उक्त कुरा बताएका हुन् ।

सान किले थाइल्याडको गैरकानुनी प्रवासी कोरियामा बढ्दै गएको विषयमा थाई समकक्षीसँग चासो व्यक्त गरेका थिए । उनले थाइल्याण्डलाई अनधिकृत रुपमा कोरियामा प्रवासी पठाउने एजेन्टलाई प्रक्रिने विषयमा सहमति गर्न आग्रह गरेका छन् ।

न्यायमन्त्री पार्क सानले कोरियामा अनधिकृत रुपमा प्रवासी पठाउने देशमा थाइल्याड, रसिया, काजकिस्तान लगायतका देश रहेको भन्दै यस विषयमा कोरियले हेक्का राखेको बताएका छन् । उनले गैरकानुनी प्रवासी पठाउने देशसँगको कूटनीतिक सम्बन्धमा दरार उत्पन्न हुन सक्ने चेतावनी दिएका छन् । एजेन्सी

प्रतिक्रिया दिनुहोस
प्रचण्डले परिवारबाहेक अरुलाई स्थान छैन भन्ने सन्देश दिए : जनार्दन

    नेकपा (माओवादी केन्द्रं) का उपमहासचिव जनार्दन शर्माले लिखित असहमति राख्दै पार्टीभित्र

राजेन्द्र महतोको राष्ट्रिय मुक्ति क्रान्ति अभियान

    राष्ट्रिय मुक्ति क्रान्ति अभियान’ का अगुवा नेता राजेन्द्र महतो दलबलसहित माइतीघरको

एमाले सरकार फेर्ने खेलमा छैन : ओली

  प्रमुख प्रतिपक्षी दल नेकपा (एमाले) का अध्यक्ष केपी शर्मा ओलीले सरकार फेर्ने

गठबन्धन खरानीको डल्ला हो : ओली

    नेकपा एमाले का अध्यक्ष केपी शर्मा ओलीले सरकार फेर्ने बदल्ने खेलमा