पत्नीको उपचारका लागि आज सिङ्गगापुर जाँदै प्रचण्ड, यस्तो छ सीताको स्वास्थ्य
नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ आज सिङ्गापुर प्रस्थान गर्दैछन् ।
उनी राजनीतिक भ्रमण वा पार्टी कामको सिलसिलामा नभई पत्नी सीता दाहालको उपचार फलोअपका लागि सिङ्गापुर जान लागेको उनका प्रेस संयोजक विष्णु सापकोटाले जानकारी दिएका छन् । आज (बुधबार) बेलुका ८ बजे प्रचण्ड दम्पती सिङ्गापुर उड्ने कार्यक्रम रहेको सापकोटाको भनाइ छ ।
‘चिकित्सकले यसअघि नै फलोअपका लागि आउनु भने पनि राजनीतिक काम र भ्रमणका कारण समय मिलेको थिएन’, सापकोटाले सुनाए, ‘आज बेलुका उहाँ पत्नीलाई लिएर सिङ्गापुर जान लाग्नु भएको हो छ ।’
सीता दाहालको केही समयअघि सिङ्गापुरस्थित एमवी एलिजावेथ अस्पतालमा उपचार भएको थियो । एक मात्र छोरा प्रकाशको असामयिक निधनपछि सीताको स्वास्थ्य बिग्रिएको थियो । तर, अहिले सामान्य अवस्था भए पनि नियमित जाँच भने गराउनु पर्छ ।
