सुनका गरगहनासहित एक जना पक्राउ
रेसुङ्गा नगरपालिका ९ घर भएका मनु नेपालीलाई सुनका गरगहनासहित पक्राउ गरिएको जिल्ला प्रहरी कार्यालय गुल्मीका प्रहरी उपरीक्षक दिपककुमार बस्नेतले बताए ।
नेपालीले रेसुङ्गा नगरपालिका ११ सिमीचौर घर भएकी बसन्ती भुसाल माइती गएको मौका छोपी उनको मंगलसुत्र, क्लिप एक थान, औठी २ थान, झुम्का १ थान गहनाहरु चोरी गरेको प्रहरीले जनाएको छ ।
नेपालीलाई शंकास्पद अबस्थामा फेला पारी खानतलासी गर्ने क्रममा प्रहरीले तम्घासबाट पक्राउ गरेको थियो । प्रहरीले ७ दिनको म्याद थपेर थप अनुसन्धान गरिरहेको प्रहरी उपरीक्षक बस्नेतले बताए ।
गत वर्षको असारमा नेपालीले बिभिन्न किसमिका मोवाइलहरु चोरी गरेको कसुरमा ४५ हजार धरौटी राखी तारेखम छुटेको प्रहरी नायब निरीक्षक शिबबहादुर खत्रीले बताए ।
चोरी गरेको कसुरमा ३ वर्षदेखि ५ वर्षसम्म कैद र ३० हजार देखि ५० हजारसम्म जरिवाना हुनसक्ने प्रहरीले जनाएको छ ।
