अनुगमनमा मरेका बाख्रा भेटिए
तपाई हामीले काठमाडौंमा खाने गरेको मटन अर्थात् खसीको मासु बाख्राको पनि हुन सक्छ किनकी अधिकांश यात्रुबाहक बसमा विभिन्न जिल्लाबाट अस्वस्थ बाख्रा ल्याइने गरेको पाइएको छ ।
देशका विभिन्न भागबाट राजधानीमा आयात गरिने पशुपन्छी ढुवानीमा बेतिथी र मापदण्ड विपरीतका कार्य फेला परेका छन् ।
गत आईतबार रातीदेखि बिहानसम्म धुनीबेंसीको धाक्रेमाा वाणिज्य आपूर्ति तथा उपभोक्ता संरक्षण विभाग र पशु स्वास्थ्य विभागले पृथ्वीराजमार्गबाट काठमाडौं भित्रिने पशुपन्छीको ढुवानी र ओसार पसारको स्थलगत अनुगमन गरेको थियो ।
झापाबाट काठमाडौं आउँदै गरेको ना ५ ख ४९० नम्बरको यात्रुबाहक बसको डिक्किमा कोचाकोच गरी ल्याइएका २४ मध्ये १७ वटा बाख्राथिए भने एउटा मरेको फेला परेको थियो । को १ च १७८१ नम्बरको बोलेरो जिप क्वारेन्टटाईनममा लेखिएको तर बाख्रा र खसी बसमा ढुवानी गरेको पाईएको वाणिज्य आपूर्ति तथा उपभोक्ता संरक्षण विभागका वरिष्ठ अधिकृत खगेन्द्र राज जोशीले बताए ।
‘पशुहरुको स्वस्थ्य परीक्षण गर्ने पशु चिकित्सकहरुले यसो गर्न पाईदैन । गरेमा पशु ऐन २०६४ अनुसार २४ घण्टाभित्र उपस्थित हुने र दण्ड जरिवाना र लाईसेन्स जफत गर्ने नियम छ ।’ पशु स्वास्थ्य विभागका अधिकृत हरि कडेँलले बताए ।
