चार चालकसहित ५२ जना रहेको सौर्यको जहाजमा चरा ठोकिएपछि….



 

चार चालकसहित ४८ यात्रुसहितको सौर्यको जहाजमा आज चरा ठोक्किएको छ ।

 

काठमाडौंबाट विराटनगरका लागि उडेको सौर्य एयरलाइन्सको जहाजमा चरा ठोक्किएको हो । ९ एनएएमइ कल साइन भएको उक्त जहाजको बायाँ इन्जिनमा चरा ठोक्किएपछि बायाँ इन्जिनभित्रको दुई ब्लेडमा क्षति पुगेको छ ।

जहाज मर्मत गरेपछि मात्रै उड्ने हुने त्रिभुवन विमानस्थलका प्रवक्ता प्रतापबाबु तिवारीले बताएका छन् । सोमबार बिहान पौने ९ बजे काठमाडौं विमानस्थलबाट उड्ने क्रममा चरा ठोक्किएको हो ।

पाइलटले उड्ने क्रममा केही ठोक्किएको जस्तो महसुस गरे पनि सामान्य भन्दै जहाज विराटनगर उडाएका थिए । जहाज अभिषेक राईले उडाएका थिए ।
बीच मार्गमा पुगेपछि जहाज थर्थराउन थालेपछि पाइलटले विराटनगर एयरपोर्टमा आपतकालीन अवतरणको लागि खबर गरेका थिए ।

नागरिक उड्ययन प्राधिकरण क्षेत्रीय कार्यालयका निमित्त प्रमुख सन्तोष ढकालका अनुसार पाइलटले शुरुमा चरा ठोक्कियो भनेर ‘सस्पेक्ट’ मात्रै भएको र बीचमा डाउट भयो भनेर विराटनगर विमानस्थलमा जानकारी गराएका थिए ।

ढकालले भने, ‘पाइलटले काठमाडौं विमानस्थलमा नै चरा ठोक्किएको हो कि हैन भनेर कन्फर्म नभएकोले उडानलाई निरन्तरता दिएको बताए । बाटोमा इन्डिकेसन समस्या आएपछि विराटनगरमा ल्याण्ड गरियो ।’

जहाज विराटनगर विमानस्थलमा ग्राउण्डेड भएको छ । जहाजलाई नागरिक उड्ड्यन प्राधिकरणका प्राविधिकले जाँच गरिरहेको जनाइएको छ । आज बिहान विमनस्थलमा वरपर चराको गतिविधि बढेपछि इस्तानबुलका लागि उड्नुपर्ने टर्किस एयरलाइन्सको जहाज पनि करीव डेढ घण्टा डिले भएको थियो ।

टर्किस समय तालकाअनुसार बिहान ७ः३५मा उड्नुपर्ने जहाज ९ बजेर ७ मिनेटमा मात्रै उडेको थियो । धावन मार्गमा केही अवरोध आएपछि विमानस्थलले नोटम (हवाइकर्मीका लागि सूचना) जारी गर्नुपर्ने हुन्छ ।

प्रतिक्रिया दिनुहोस
जिल्ला सहकारीको निर्वाचनमा महेश–दुर्लभ एक ठाउँमा ?

    जिल्ला सहकारी संघ भक्तपुरको निर्वाचनको तिथि जति –जति नजिक आउँदै छ

सदनमा विधेयक पेस गर्न प्रतिपक्षले बहुमत पुर्‍याइदिने होइन : महेश बर्तौँला

    नेकपा एमालेका सचेतक महेश बर्तौँलाले प्रतिपक्षले नभइ सत्तापक्षकै सांसदहरूको कारणले संसद

हिन्दू राष्ट्रको पक्षमा महासमितिमा बहुमत देखियो : शंकर भण्डारी

    नेपाली कांग्रेसका नेता शंकर भण्डारीले हिन्दू राष्ट्रको पक्षमा महासमितिको बैठकमा बहुमत

ग्लोबल आइएमई बैंकको नयाँ काउन्टर चाबहिलमा

      ग्लोबल आइएमई बैंक लिमिटेडले काठमाडौँ महानगरपालिका वडा नं. ७, चाबहिल,