घुससहित ९ प्रहरी समातिएपछि कोटेश्वर र काँडाघारीका प्रमुख फेरिए



 

काठमाडौंको कोटेश्वर र काँडाघारी प्रहरी प्रभागका ९ जना प्रहरी अधिकारी घुससहित एकैदिन समातिएपछि दुवै प्रभागका सम्पूर्ण प्रहरी टोली फेरिएको छ ।

 

अख्तियार दुरुपयोग अनुसन्धान आयोगको स्ट्रिङ अपरेशनमा ठूलो संख्यामा प्रहरी समातिएपछि प्रहरी प्रधान कार्यालयले काटेश्वर र काँडाघारी प्रभागको नेतृत्व परिवर्तन गरेको हो ।

 

केन्द्रीय प्रहरी प्रवक्ता प्रहरी वरिष्ठ उपरीक्षक (एसएसपी) शैलेश थापा क्षेत्रीका अनुसार कोटेश्वर प्रहरी प्रभागको नेतृत्व प्रहरी निरीक्षक एलिजा गिरीलाई दिइएको छ भने काँडाघारी प्रभागको नेतृत्व इन्स्पेक्टर सुधिर राईलाई प्रदान गरिएको छ ।

यसअघि गिरी केन्द्रीय अनुसन्धान ब्यूरो (सीआईबी) मा कार्यरत् थिइन् ।

थापा बदमासी गर्ने प्रहरीलाई कारबाही गर्ने कुरामा प्रहरी प्रधान कार्यालय दृढ रहेको बताउँछन् ।

के थियो घटना ?

काँडाघारी, कोटेश्वर र ठिमी क्षेत्रका केही प्रहरी अधिकारीहरुले मनोहरा खोलाबाट ढुंगा, गिटी र बालुवा निकाल्ने ठेकेदारबाट घुस लिने गरेको अख्तियारमा उजुरी परेको थियो ।

 

त्यसक्रममा अख्तियारको टोलीले शनिबार गरेको ‘स्टिङ अपरेशन’ का क्रममा ९ प्रहरी अधिकारी घुस लिँदालिँदै पक्राउ परेका थिए ।

 

पक्राउ पर्नेमा असर्इ सुवास ढुंगाना, हवल्दार दीपक भारती, असर्इ गोपाल श्रेष्ठ, हवल्दार उमेश यादव, अमन चौधरी, जवान दीपेन्द्र कुँवर, मुकेश पटेल, रत्न रिजाल र जवान मानसिंह रोका छन् ।

 

अख्तियार दुरुपयोग अनुसन्धान आयोगका प्रवक्ता एवं सहसचिव रामेश्वर दंगाललले दिएको जानकारी अनुसार उनीहरुले ४५ हजार रुपैयाँदेखि ५ हजार रुपैयाँसम्म घुस लिएको भेटिएको छ ।

 

‘हामीले घुस लिँदालिँदै पक्राउ गरेका हौं’, उनले  भने, ‘विस्तृत अनुसन्धान भइरहेको छ ।’

 

प्रतिक्रिया दिनुहोस
भाइरल शर्मिला वाइबा पक्राउ

  कलाकार पवन खतिवडा ‘म्याकुरी’माथि कुटपिट गरेको आरोपमा प्रहरीले शर्मिला वाइबालाई पक्राउ गरेको

प्रचण्डले परिवारबाहेक अरुलाई स्थान छैन भन्ने सन्देश दिए : जनार्दन

    नेकपा (माओवादी केन्द्रं) का उपमहासचिव जनार्दन शर्माले लिखित असहमति राख्दै पार्टीभित्र

राजेन्द्र महतोको राष्ट्रिय मुक्ति क्रान्ति अभियान

    राष्ट्रिय मुक्ति क्रान्ति अभियान’ का अगुवा नेता राजेन्द्र महतो दलबलसहित माइतीघरको

एमाले सरकार फेर्ने खेलमा छैन : ओली

  प्रमुख प्रतिपक्षी दल नेकपा (एमाले) का अध्यक्ष केपी शर्मा ओलीले सरकार फेर्ने