वाइसीएल अध्यक्ष रातोपुलबाट पक्राउ
वाइसीएलका सिन्धुली जिल्ला अध्यक्ष पुष्पराज श्रेष्ठलाई प्रहरीले नियन्त्रणमा लिएको छ ।
शरीर बन्धक र धाकधम्की दिएको आरोपमा महानगरीय अपराध अनुसन्धान महाशाखाको टोलीले श्रेष्ठलाई शुक्रबार नियन्त्रणमा लिएको महाशाखाका प्रमुख एसएसपी धिरजप्रताप सिंहले जानकारी दिएका छन् ।
सिन्धुली कमलामाई ५ घर भई हाल राजधानकीको रातोपुल बस्दै आएका रामबहादुर कटुवाललाई श्रेष्ठले ज्यान मार्ने धम्की दिएको उजुरी परेको जनाइएको ।
घर निर्माणका लागि श्रेष्ठले कटुवाललाई ठेक्का दिएको र घर निर्माणपछि रकम माग्दा धम्की दिएको प्रहरी अनुसन्धानबाट खुलेको छ ।
श्रेष्ठले यसअघि २०७३ पुस ४ गते गणेशकुमार कुँवरलाई बन्धक बनाए रकम लुटेको समेत खुल्न आएको प्रहरीले जानकारी दिएको छ ।
कुँवरलाई साथी शुक्रराज तामाङको डेरामा लगेर ५० हजार, सुनको औठी, मोवाइल र कुलबहादुर तामाङको नाममा ११ लाखको चेक काट्न लगाएको देखिएको प्रहरीले जानकारी दिएको छ ।
