पूर्वराजदूत झाको हत्याको यसरी हुँदैछ अनुसन्धान, पहिलो निशाना पत्नी र सुरक्षा गार्डमाथी
काठमाडौंको थापाथलीस्थित आफ्नै निवासमा हत्या गरिएका फ्रान्सका लागि पूर्वराजदूत केशव झाको प्रहरीले अनुसन्धान सुरु गरेको छ । झा हत्याको छानविन नेपाल प्रहरीले उनकै सुरक्षा गार्ड र पत्नीबाट थालेको छ ।
झाका सुरक्षा गार्ड सानु तामाङलाई प्रहरीले नियन्त्रणमा लिएको छ भने पत्नीसँग सोधपुछ गरेको छ । घरमा झा, उनकी पत्नी र सुरक्षा गार्डमात्र थिए । झाका छोरा बुहारी शनिबार मात्रै विदेशतिर गएको प्रहरीले जनाएको छ । ८० बर्षिय झाको टाउको र घाँटीमा गहिरो चोट लागेको छ ।
उनको मृत्यु नभई हत्या भएको प्रहरीले प्रारम्भिक अनुमान गरेको छ । हत्या भएको निस्कर्ष निकालेपछि प्रहरीले सुरक्षा गार्ड र श्रीमतिबाट अनुसन्धान थालेको महानगरीय प्रहरीले जनाएको छ ।
