बस र मोटरसाइकल ठोक्किदा मोटरसाइकलमा सवार एक युवकको मृत्यु
वीपी राजमार्ग अन्तर्गत बस र मोटरसाइकल एक आपसमा ठोक्किदा मोटरसाइकलमा सवार युकको मृत्यु भएको छ भने अर्का गम्भीर घाइते भएका छन् ।
महोत्तरीको बर्दिवास नगरपालिका ३ मा बस र मोटरसाइकल ठोक्किदा सिन्धुलीबाट बर्दिवासतर्फ आउँदै गरेको ज ११ प ५५४५ नम्बरको मोटरसाइकल र बर्दिवासबाट सिन्धुलीतर्फ जादै गरेको ना ४ ख ९९९९ नम्बरको बस ठोक्किदा मोटरसाइकलमा सवार व्यक्तिको मृत्यु भएको हो ।
मत्यृ हुनेमा बर्दिवास नगरपालिका–३ का ३० वर्षका नेत्रबहादुर स्माइलीमगर रहेका छन् । मगरको घटना स्थलमै मृत्यु भएको र घाइतेको बर्दिवासस्थित जनसेवा अस्पतालमा उपचार भइरहेको इलाका प्रहरी कार्यालय बर्दिवासले जनाएको छ ।
तीव्र गतिका कारण मोटरसाइकल बससँग ठोक्किएर दुर्घटना भएको जिल्ला ट्राफिक प्रहरी कार्यालय बर्दिवासले जनाएको छ । बस चालकलाई प्रहरीले नियन्त्रणमा लिएको छ ।
