बिरामीको मृत्युपछि दीर्घायुमा आफन्तको प्रदर्शन, लापरबाहीको आरोप
अस्पतालको लापरबाहीका कारण विरामीको मृत्यु भएको भन्दै चाबहिलस्थित दीर्घायु अस्पतालमा आफन्तले प्रदर्शन गरिरहेका छन्।
बाँसबारी, भक्तपुरकी ३५ वर्षीय सम्झना काफ्लेको अस्पताल भर्ना गरेको ६ दिनपछि शुक्रबार अपरान्ह मृत्यु भएको थियो। निमोनिया र जन्डिस भएको भन्दै अस्पतालले सम्झनालाई भर्ना गरेको थियो।
उनको बिहीबारदेखि सघन उपचार कक्ष-आइसियूमा राखेर उपचार भइरहेको थियो। विरामीका आफन्तले बिहीबारदेखि अस्पतालले बिरामीसँग भेट्न नदिएको र एक्कासी मृत्यु भएको खबर सुनाएको भन्दै लापरबाही भएको दाबी गरेका छन्।
