प्रहरीलाई घुस दिन खोज्ने दुई नेपाली मलेसियाको जेलमा
मलेसियामा प्रहरीलाई घुस दिन खोज्ने दुई नेपाली कारबाहीमा परेका छन् । उनीहरुलाई अदालतले एक महिना जेल र १० हजार मलेसियाली रिंगेट जरिवानाको सजाय सुनाएको छ ।
नेपाली नागरिक ४० वर्षका कन्हैयालाल दास र ३० वर्षका सत्य नारायण चौधरीलाई अदालतले गत साउन ८ गतेदेखि लागू हुने गरी सजाय सुनाएको हो । सेक्युरिटी गार्डमा कार्यरत दुबै नेपालीले जरिवाना रकम तिरिसकेका मलेसियाली सञ्चार माध्यमले जनाएका छन् ।
विना लाइसेन्स मोटरसाइकल चढेका चौधरीले आफूलाई कारबाही नगर्न भन्दै प्रहरीलाई १ सय ५० मलेसियाली रिंगेट घुस दिने प्रस्ताव गरेका थिए ।
