बालिका बलात्कार गर्ने यसरी परे प्रहरीको फन्दामा
साढे तीन वर्षीया बालिकालाई बलात्कृत गर्ने एक युवालाई इलाका प्रहरी कार्यालय बेलाटारीले पक्राउ गरेको छ।
बलात्कृतमा परेकी बालिका भारतीय हुन्। पश्चिम नवलपरासीको प्रतापपुर गाउँपालिका(८ बद्रिघाटमा रहेकी ठूलीआमालाई परिवारसहित भेट्न आएकी बालिकालाई मंगलबार बिहान घर नजिकैका एक युवकले बलात्कार गरेको जिल्ला प्रहरी कार्यालयका उपरीक्षक राजेन्द्र प्रसाद भट्टले बताए।
छिमेकमा पाहुना हुन आएकी बालिकालाई १८ वर्षिया शैलेन्द्र राजभरले फकाएर घरमा लगि बलात्कार गरेको भट्टले जानकारी दिए। पीडाका कारण बालिका रुन थालेपछि घटना बाहिर आएको हो ।
भारतको महाराजगञ्ज निचलौल थाना सिसनैया गाउँ बस्ने बालिकाकी आमा दिदीलाई भेट्न आएकी थिइन्। पक्राउ परेका राजभरबारे अनुसन्धान भइरहेको प्रहरी उपरीक्षक भट्टले जानकारी दिए।
