तल्लो बालुवाटार टोल सुधार समतिमा शोभा
नेपालीमा उखान छ आफ्नो गाउँ आफै बनाऊ । सबैलाई ईच्छा चाहना हुन्छ कि आफू बसेको ठाउँ सफा चट होस भन्ने ।
यस्कोे निम्ति समाजमा बस्ने मानिसहरुको एकता चाहिन्छ । एकताले मात्र नभई दृढ ईच्छाशक्ति पनि चाहिन्छ ।
हो यहि ईच्छाशक्ति भएका मानिसहरुले तल्लो बालुवाटारमा अहिले एउटा समूह निर्माण गरेका छन् । समूहको नाम तल्लो बालुवाटार टोल सुधार समिति रहेको छ । आज त्यसैको प्रथम वार्षिक साधारण सभा भयो ।
टोलमा बस्ने वयोबृद्ध हेम लामाको प्रमुख आतिथ्यमा भएको कार्यक्रममा विशेष अतिथि शिक्षासेवी राजाराम क्षेष्ठ रहनुभएको थियो ।
अन्य अतिथिमा टोलमै बसेर समितिका हरेका कामलाई अगाडी बढाउनको लागि महत्वपूर्ण भूमिका खेल्ने अभिनाश पन्त, विष्णु प्रसाद घिमिरे, निराजन पौडेल, सचेन्द्र अर्याल रहनुभएको थियो ।
कार्यक्रममा टोलको समग्र विकासका लागि खेल्न सक्ने भूमिका तथा गर्न सकिने कामको विषयमा वृहत छलफल तथा सोको निराकरणका बारेमा गहन छलफल भयो ।
अब आगामी दिनमा टोलमा व्यपक सुधार गर्ने प्रतिवद्धता सो भेलाबाट सबैले जनाए । सो भेलाबाट शोभा सापकोटा थापाको अध्यक्षतामा रहेको कार्यसमितिलाई नै सदर गर्ने काम भएको छ ।
जसमा उपाध्यक्षमा सुर्य कार्की,सचिवमा विनोद ढुङ्गेल,कोषाध्यक्षमा ध्रुवबहादुर भाट र सदस्यहरुमा जफुवा शेर्पा, मनोज शिवाकोटी,शक्तिबहादुर मगर, सतेन्द्र अर्याल रहनुभएको छ ।
