सरसफाई र जनचेतना जगाउने यस्तो छ दाह्री ग्याङ्को काम
धनुषाको मिथिला नगरपालिका , ढल्केवरमा युवाहरुको एउटा समूह छ , जसको नाम हो दार्ही ग्यागं ।
झट् सुन्दा यो नाम पक्कै डनगर्दी गर्ने युवाहरुको समूहको नाम जस्तो लाग्छ । तर यो दार्ही ग्यागं भने कहिले शहर सरसफाईमा जुट्छ भने कहिले चेतनामुुलक कार्यक्रमहरु लिएर गाउँ टोल चहार्छ ।
हालसालै आफ्नो गतिविधी सुरु गरेको दार्ही ग्यागंले आज ढल्केवरस्थित श्री महेन्द्र उच्च माध्यामिक विद्यालयमा अध्ययनरत ४९ जना दलित विद्यार्थीलाई कापी र कलम वितरण गरेको छ ।
कापी कलम वितरण कार्यक्रमका प्रमुख अतिथी थिए र्ईलाका प्रहरी कार्यालय ढल्केवरका प्रहरी निरिक्षक सरोज राई र अतिथीहरु थिए सोही विद्यालयका प्रधानध्यापक रामदयाल महतो ।
दार्ही ग्यागंका सदस्यहरुको उपस्थिती रहेको कार्यक्रममा विद्यालयका सवैजसो शिक्षक र विद्यार्थीहरुको उपस्थिती थियो । दार्ही ग्यागंमा देशैभरीका चार सय युवा सदस्य रहेको दार्ही ग्यागंका एक सदस्य देवराज घिमिरेले वताए ।
कापी कलम ढल्केवरका वैदेशिक रोजगारमा रहेका युवाहरुको सहयोगमा उपलव्ध भएको हो । यस अघि यस ग्यागंले ढल्केवर वजार क्षेत्रमा रहेका करिव ३ सय पसलहरुमा फोहोर फाल्ने डस्विन वितरण गरेको थियो ।
विजयकुमार साह
