महाकाली नदीमा एक युवक यसरी भए वेपत्ता
महाकाली नदीमा एक युवक वेपत्ता भएका छन् । व्याँस गाउँपालिका(५ स्याँकु बस्ने अन्दाजी वर्ष १८ का रबी धामी बिहीबार विहान नदी तर्ने क्रममा वेपत्ता भएका हुन् ।
दार्चुलाको व्याँस गाउँपालिका अन्तरगत पर्ने बुदी भन्ने क्षेत्रमा महाकाली नदीमा तरेर भारत जाने बेला धामी महाकालीमा डुवेको स्थानीय अञ्जली धामीले जानकारी दिइन् ।
स्थानीयले धामी महाकालीमा वेपत्ता भएको खबर गरेपछि प्रहरी चौकी सितापुलबाट प्रहरी सहायक निरीक्षक दीपक थापा नेतृत्वको चार सदस्यीय टोली घटनास्थल हिँडेको छ ।
वेपत्ता धामी तुइन तर्ने बेला हो वा चिप्लेर महाकाली नदीमा बेपत्ता भएका हुन् भन्ने कुरा समेत जानकारीमा नआएको जिल्ला प्रहरी कार्यालय दार्चुलाले जनाएको छ ।
