पेस्तोलसहित एक भारतीय पक्राउ, यस्तो थियो उनको योजना
महोत्तरीमा पेस्तोल र तीन थान गोलीसहित एक भारतीय पक्राउ परेको छ ।
जिल्लाको सम्सी गाउँपालिका वडा नं। २ स्थित सम्सी बजार देखि पर्सागाउँ जाने कच्ची सडकमा भारत सितामढी जिल्ला बथनाहा पंचायत महुअवा ग्राम नरहा झिटकहिया वडा नं। ५ निवासी जितेन्द्र कुमार राय पक्राउ परेका हुन् ।
महोत्तरीका प्रहरी प्रवक्ता खगेन्द्रबहादुर खड्काले पक्राउ परेका व्यक्ति विआर०६एक्यु१३४९ नं।को अपाचे मोटरसाईकलमा सवार रहेको बताए । उनीमाथि शंका लागेर खानतलासी गर्दा हतियार फेला परेको उनले बताए ।
महोत्तरीमा विगतको समयमा आपराधिक घटनाहरु बढेपछि सुरक्षा व्यवस्था कडा पारिएको खड्काले बताए ।
