सरकार र डा. केसीको वार्ता टोलीबीच यसरी भयो ९ बुँदे सहमति, केसीले भने अबदेखि अनशन बस्दिन
२७ दिन लामो अनशन सरकारसँग वार्ता भएपछि डा. केसीले आज तोडेका छन् । डा. गोविन्द केसीका वार्ता टोली र सरकारी वर्ता टोलीबीच लामो छलफलपछि आज ९ बुँदे सहमतिपत्रमा हस्ताक्षर गर्दै अनशन तोडेका हुन । अनशन तोड्दै केसीले भने अबदेखि कहिल्यै अनशन बस्दिन ।
यद्यपी सहमतिलाई अन्तिम रुप दिन भाषा मिलाउने काम भइरहेको वार्ता प्रक्रियामा सहभागी नेकपा संसदीय दलका उपनेता सुवासचन्द्र नेम्वाङले बताए ।
बिहीबार दिउँसो प्रधानमन्त्री तथा मन्त्रिपरिषद कार्यालय सिंहरबारमा सरकारी र केसीको वार्ता टोलीबीच भएको सहमतिको बुँदा डा। केसीलाई पनि सुनाइएको थियो ।
त्यसपछि सहमतिका विषयलाई प्रधानमन्त्री निवास बालुवाटारमा अन्तिम रुप दिन लागिएको हो ।
बालुवाटारमा भएको सहमतिमा केसीले पनि सहमति जनाएमा बिहीबार नै उनको अनसन तोडिनेछ । केसी अनसन तोड्न राजी भएमा नेकपा संसदीय दलका उपनेता नेम्वाङ केसीलाई भेट्न शिक्षण अस्पताल जाने उनले बताए ।
