आफ्नै दाइबाट बारम्बार बलात्कृत किशोरीलाई गर्भपतन गराएपछि ६ महिना कैद
आफ्नै दाजुबाट बारम्बार बलात्कृत भएकी एक १५ वर्षीया किशोरीले गर्भपतन गराएपछि उनलाई ६ महिना कैद सजाय सुनाइएको छ।
इन्डोनिसयन अदालतका अधिकारीहरुका अनुसार गतहप्ता ती किशोरीलाई कैद सजाय सुनाइएको हो। सुमात्रा प्रान्तको मुराया बुलियन जिल्लाको अदालतका न्यायाधीश आरिफ बुढाम्यानका अनुसार १७ वर्षीया वर्षिय दाइले पछिल्लो वर्षमा ती किशोरीलाई आठ पटक बलात्कार गरेका थिए।
उनका दाइलाई किशोरीमाथि यौन हमला गरिएको भन्दै दुई वर्षको जेल सजाय सुनाइएको छ साथै गर्भ बसेको ६ महिनामा गर्भपात गराएको भन्दै किशोरीलाई पनि ६ महिनाको कैद सुनाइएको हो।
तर, कतिपयले भने ती पीडित किशोरीलाई सजाय दिन नहुने जिकिर गरेका छन्। तर, इन्डोनेसियामा गर्भपतन कानुनी रुपमा अपराध भएकाले उनलाई सजाय सुनाइएको हो।
