पत्रकार सम्मेलन मार्फत कानूनमन्त्री शेरबहादुर तामाङले राजिनामा दिए
कानूनमन्त्री शेरबहादुर तामाङले राजिनामा दिएका छन् । नेपाल कम्युनिस्ट पार्टीले कानुनमन्त्री शेरबहादुर तामाङलाई राजीनामा दिन निर्देशन दिएपछि उनले आज मन्त्रालयमा पत्रकार सम्मेलन गरी राजिनामा दिएका हुन ।
मन्त्री तामाङले बंगलादेशमा एमबीबीएस अध्ययनरत नेपाली छात्राहरुबारे आपत्तिजनक अभिव्यक्ति दिएका कारण उनी बिबादमा परेका थिए ।
नेपालमा मेडिकल कलेज खोल्नपर्छ भन्ने आफ्नो मतलाई पुष्टि गर्न उनले मैले सुनेको छु भन्दै बंगलादेशमा एमबीबीएस अध्ययनरत नेपाली छात्राहरुले सर्टिफिकेट पाउन अस्मित बेच्न बाध्य हुनु पर्ने गरेको दाबी गरेका थिए ।
डा. गोविन्द केसीको अनसनलाई लिएर सरकारको आलोचना भइरहेका बेला कानुनमन्त्रीको अभिव्यक्ति पनि थपिएपछि नेकपाका नेताहरुले सोमबार साँझ छलफल गरेका थिए ।
बालुवाटारमा राति अबेरसम्म भएको छलफलमा प्रधानमन्त्री केपी शर्मा ओलीसहित नेकपाका शीर्ष नेताहरुले मन्त्री तामाङलाई राजीनामा दिन सुझाएका थिए ।
‘
