भारतीय प्रधानमन्त्री नरेन्द्र मोदी विरुद्ध अविश्वासको प्रस्ताव दर्ता, के हुन्छ अब ?
भारतीय प्रधानमन्त्री नरेन्द्र मोदीमाथि तल्लो सदन लोक सभामा अविश्वासको प्रस्ताव दर्ता भएको छ। बुधबार दर्ता भएको अविश्वास प्रस्तावमाथि शुक्रबार छलफल हुँदैछ।
तेलगु देशम पार्टीका सांसद केसीनेनी श्रीनिवासले प्रधानमन्त्री मोदीविरूद्ध अविश्वासको प्रस्ताव दर्ता गराएका हुन्। प्रमुख प्रतिपक्षी कंग्रेस आई, त्रिणमूल कंग्रेसलगायत पाँच दलले प्रस्तावको समर्थन गरेका छन्।
५४४ सदस्यीय लोकसभामा सत्तारूढ गठबन्धन एनडिएका ३१२ सांसद छन्। भारतीय जनता पार्टीका मात्र २७३ सांसद छन्। प्रतिपक्षी गठबन्धनमा १५२ सांसद छन्। ११ सांसद पद रिक्त छ।
डेढ दशकमा पहिलो पटक भारतीय प्रधानमन्त्रीमाथि अविश्वासको प्रस्ताव दर्ता भएको हो।
